تەرگەۋ جالعاسىپ جاتىر.
كۇدىكتى مەملەكەتتىك شەكارا بەكەتىنەن قىرعىزستانعا وتپەكشى بولعان، دەپ حابارلايدى aqshamnews.kz
«2024 جىلعى 18 شىلدەدە تاراز قالاسى پروكۋراتۋراسىنىڭ ۇيلەستىرۋىمەن جەدەل-ىزدەستىرۋ جۇمىستارىن جۇرگىزۋ بارىسىندا قالالىق پوليسيا ءبولىمىنىڭ قىزمەتكەرلەرى قالانىڭ 3 سەنىمدى ازاماتتارىن ينتەرنەت بايلانىسى ارقىلى الداعان رەسەي فەدەراسياسىنىڭ "ر" ەسىمدى ازاماتىن ۇستادى»، - دەپ حابارلادى جامبىل وبلىسىنىڭ پروكۋراتۋراسى.
كۇدىكتى ءساۋىر-مامىر ارالىعىندا ءوز سىبايلاستارىمەن بىرگە جەرگىلىكتى ازاماتتاردى الداعان. ولاردىڭ سەنىمىنە كىرىپ، ءار ءتۇرلى نومىردەن قوڭىراۋ شالعان.
«وزدەرىن «ەكىنشى دەڭگەيدەگى بانكتەردىڭ قاۋىپسىزدىك قىزمەتىنىڭ جۇمىسكەرلەرى» جانە «قۇقىق قورعاۋ ورگاندارىنىڭ قىزمەتكەرلەرى» رەتىندە تانىستىرىپ، الاياقتار ازاماتتاردىڭ اتىنان نەسيە الماقشى ەكەنىن ايتقان. وسى سحەمانى پايدالانىپ، الاياقتار «WhatsApp» الەۋمەتتىك جەلىسىنىڭ بەينەبايلانىسى ارقىلى نەسيە رەسىمدەپ، جابىرلەنۋشىلەردىڭ 19 ميلليون تەڭگەسىن يەلەنگەن»، - دەپ حابارلادى پروكۋراتۋرا.