نەگە قارت ادامدار الاياقتاردىڭ قۇربانىنا اينالادى؟ بۇعان ولاردىڭ جاسى نەمەسە ەستە ساقتاۋ قابىلەتى ەمەس، جيناق قورى اسەر ەتەدى، - دەپ حابارلايدى aqshamnews.kz ءتىلشىسى.
كيبەرقىلمىس ماماندارىنىڭ ايتۋىنشا، ادەتتە زەينەتكەرلەردە ساقتاپ قويعان ارتىق اقشا بولادى.
اقش-تىڭ فەدەرالدىق تەرگەۋ بيۋروسىنىڭ ينتەرنەت قىلمىستارى تۋرالى كەيىنگى ەسەبىنە سايكەس، بىلتىر قاريالار الاياقتاردىڭ ارەكەتتەرىنەن شامامەن 5 ميلليارد دوللاردان (2 تريلليون 598 ميلليارد 191 ميلليون تەڭگە - ەسك.) ايىرىلعان.
الاياقتار - كەرەمەت ارتىستەر، ولار كەز كەلگەن ادامدى الداي الادى. ءبىراق كوبىنە ولاردىڭ تاڭداۋى زەينەتكەرلەرگە تۇسەدى، ويتكەنى الاياقتار ەگدە جاستاعىلاردىڭ اقشاسى بارىنا سەنىمدى. ولاردىڭ ارنايى سەناريى بار، ەگەر ءسىز دە سول بويىنشا جاۋاپ بەرسەڭىز، وندا الاياقتىق ىسكە اسادى.
الاياقتىقتىڭ 5 نەگىزگى بەلگىسى:
-
ۇرەيگە بەرىلسەڭىز
ماسەلەن، ءسىز - زەينەتكەرسىز. ەگەر سىزگە بەيتانىس قوڭىراۋ شالىپ، نەمەرەڭىز تۇرمەدە ەكەنىن، وعان تەزىرەك اقشا كەرەگى ايتىلسا، دەمەك بۇل - الاياقتار. ولار ءسىزدى شۇعىل شەشىم قابىلداۋعا يتەرمەلەيدى. ءتىپتى ءبىر ءسات كىدىرىپ، ويلانۋعا مۇمكىندىك بەرمەيدى. -
شۇعىل شەشىم قابىلداۋ كەرەك بولسا
ۇرەي تۋدىرمايتىن، قىسىم كورسەتىلمەيتىن، كەرىسىنشە ءتيىمدى ۇسىنىستى جىبەرىپ الماۋ مۇمكىندىگى ايتىلىپ، جىلدام ارەكەت ەتۋگە يتەرمەلەنسە، دەمەك سىزگە الاياقتار قوڭىراۋ شالىپ تۇر. بۇل – ينتەرنەتتە ءجيى كەزدەسەتىن جالعان دۇكەندەر مەن ينۆەستيسيالىق الاياقتىق. -
بەيتانىس بىردەن جاقىنىڭىزعا اينالسا
ەگەر بىرەۋ ومىرىڭىزدە اياقاستى پايدا بولىپ، سەنىمىڭىزگە كىرىپ، بانك ەسەپشوتىڭىزدان اقشا شەشىپ الۋعا يتەرمەلەسە، بۇل - ءقاۋىپتىڭ بەلگىسى. -
سويلەسىپ تۇرعان ادام ءوزىن بەدەلى بار تۇلعا رەتىندە تانىستىرسا
بەيتانىس ءوزىن "پوليسيا قىزمەتكەرى"، "زاڭگەر" دەپ تانىستىرسا دا، ەگەر ءسىز بۇل ادامدى بۇرىن كورمەسەڭىز، ونىڭ سوزىنە سەنە سالۋعا بولمايدى. -
تولەمدى كۇماندى تاسىلمەن سۇراسا
ەگەر سىزدەن اقشانى كۇماندى بىرەۋلەردىڭ كارتاسىنا اۋدارۋ، كريپتوۆاليۋتامەن تولەۋ سۇرالسا، دەمەك بۇل - الاياقتار.
ماماننىڭ كەڭەسى:
اقشا اۋدارىپ جاتقاندا، "ءقازىر اۋدارماسام نە بولادى؟" دەگەن سۇراقتىڭ ورنىنا، "اۋدارسام نە بولۋى مۇمكىن؟" دەپ ويلانىڭىز. بۇل ويىڭىزدى جيناقتاپ الۋعا كومەكتەسەدى.
مىسالى، استانادا 66 جاستاعى زەينەتكەر ايەل ءوزىن پوليسيا مەن ۇلتتىق بانكتىڭ قىزمەتكەرلەرى دەپ تانىستىرعان الاياقتارعا سەنىپ، 16 ميلليون تەڭگەسىنەن ايىرىلعان. الاياقتار وعان ءۇيىن ساتقىزىپ، اقشانى "ءقاۋىپسىز شوتقا" اۋدارۋعا ماجبۇرلەگەن.
سوندىقتان كەز كەلگەن نارسەگە سەنە بەرمەي، ءوزىڭىزدى، شوتىڭىزدى جانە جەكە مالىمەتتەرىڭىزدى قورعاۋعا تىرىسىڭىز. كۇمان تۋدىراتىن جاعدايلار بولسا، جاقىندارىڭىزبەن كەڭەسىپ، اسىعىس شەشىم قابىلداماڭىز.