الماتى قالاسىنىڭ اكىمى دارحان ساتىبالدى جۇمىس ساپارى بارىسىندا «اتاكەنت» قازاقستاندىق ىسكەرلىك ىنتىماقتاستىق ورتالىعىن قايتا قۇرۋ جوباسىمەن تانىستى.
ساپار اياسىندا نىساننىڭ ىسكەرلىك تارتىمدىلىعىن ارتتىرۋعا جانە جايلى قوعامدىق ورتانى قۇرۋعا باعىتتالعان كەشەندى جاڭعىرتۋ جوسپارى ۇسىنىلدى. جوبادا اۋماقتى اباتتاندىرۋعا، كوگالداندىرۋعا جانە زاماناۋي ۋربانيستىك شەشىمدەردى ەنگىزۋگە ەرەكشە نازار اۋدارىلدى.
«اتاكەنتتىڭ» سۋبۇرقاق كەشەنى قالاداعى ەڭ كورىكتى ورىنداردىڭ بىرىنە اينالۋى كەرەك. بۇل جوبانىڭ جۇرەگى بولماق»، - دەدى دارحان ساتىبالدى.
سونىمەن قاتار، ول جۇمىستىڭ مەرزىمى مەن ساپاسىن ساقتاۋدىڭ ماڭىزدىلىعىن اتاپ ءوتتى.
قايتا قۇرۋ 2025 جىلعى شىلدەدەن باستاپ كەزەڭ-كەزەڭىمەن جۇرگىزىلەدى. 74 مىڭ م² جول مەن تروتۋاردى كورىكتەندىرۋ، 170 مىڭ م² جاسىل ايماقتى اباتتاندىرۋ، جارىق شامدارى، كوشە جيھازدارى، سپورت الاڭدارى، ءمودۋلدى اجەتحانالار مەن اۆتوماتتاندىرىلعان سۋارۋ جۇيەسىن ورناتۋ جوسپارلانعان.
قالا باسشىسى اعاش تاڭداعاندا ءارتۇرلى بولۋىنا ءمان بەرىپ، الماتىنىڭ كليماتتىق ەرەكشەلىكتەرىنە ساي جاپىراقتى اعاش تۇرلەرىن وتىرعىزۋدى ايتتى.