بيىل «ۇلى دالا جورىعى» ەكىنشى رەت وتەدى. ەستەرىڭىزگە سالا كەتەيىن، وتكەن جىلى ماڭعىستاۋ وبلىسىنىڭ قۇراما كومانداسى بايگە مارافونىنىڭ جەڭىمپازى اتانسا، جەتىسۋ وبلىسىنىڭ سپورتشىلارى ەكىنشى ورىندى، تۇركىستان وبلىسىنىڭ قۇراماسى ءۇشىنشى ورىندى يەلەندى. جوبا YouTube - تە 5 ميلليوننان استام جانە TikTok-تا 30 ميلليوننان استام قارالىم جيناعان.
قازاقستان جىلدىڭ ەڭ اۋقىمدى سپورتتىق ءىس - شارالارىنىڭ ءبىرى - «ۇلى دالا جورىعى» رەسپۋبليكالىق مارافونىنا دايىندالۋدا. 5 قىركۇيەكتە ەلوردالىق «قازانات» يپپودرومىندا ق ر مادەنيەت جانە سپورت مينيسترلىگى مەن Amanat پارتياسىنىڭ قولداۋىمەن ۇيىمداستىرىلعان جارىستىڭ سالتاناتتى اشىلۋى وتەدى، دەپ حابارلايدى Almaty-akshamy.kz.
وعان ەلىمىزدىڭ ءارتۇرلى وڭىرىنەن جينالعان 20 كوماندانىڭ اتىنان 100 شاباندوز قاتىسادى.
مارافون 6 قىركۇيەكتە اقمولا وبلىسىنىڭ قاراجار اۋىلىندا باستالىپ، 14 كۇنگە سوزىلادى، ول ءۇشىن قاتىسۋشىلار ەلىمىزدىڭ 5 ءوڭىرى — اقمولا وبلىسى، قاراعاندى وبلىسى، ۇلىتاۋ وبلىسى، قىزىلوردا جانە تۇركىستان وبلىستارى ارقىلى 1 300 شاقىرىم قاشىقتىقتى ءجۇرىپ وتەدى. تۇركىستان قالاسىندا مارافون اياقتالادى. جالپى، شاباندوزدار 12 اۋدان مەن 52 ەلدى مەكەندى ارالايدى. مارافونعا قاتىسۋ ءۇشىن حالىقارالىق سۋديالار مەن جوعارى بىلىكتى ۆەتەرينارلار شاقىرىلعان.
«ۇلى دالا جورىعى» مارافونىنىڭ ماقساتى قاراپايىم. بۇل بىرەگەي ۇلتتىق برەند قۇرۋ، ءداستۇرلى ات سپورتىن، اتاپ ايتقاندا، قازاقتىڭ «قازانات» جىلقى تۇقىمىن تانىمال ەتۋ. مۇنداي جارىستار ءباا، اقش، يسپانيا، فرانسيا، ۇلىبريتانيا، گەرمانيا، كانادا جانە اۆستراليا سياقتى ەلدەردە حالىقارالىق ات سپورتى فەدەراسياسىنىڭ (FEI) قامقورلىعىمەن ۇنەمى وتكىزىلىپ تۇرادى. سوندىقتان ءبىزدىڭ جوبامىزدىڭ حالىقارالىق دەڭگەيدە اۋقىمدى وقيعاعا اينالۋعا بارلىق مۇمكىندىگى بار.
ەستەرىڭىزگە سالا كەتەيىن، كەلەسى جىلى قازاقستان V دۇنيەجۇزىلىك كوشپەندىلەر ويىندارىن وتكىزەدى. مەملەكەت باسشىسى ونى جوعارى دەڭگەيدە ۇيىمداستىرۋدى تاپسىردى. الداعى جارىس، سونىڭ ىشىندە، ەلىمىزدىڭ ينفراقۇرىلىمىنىڭ كوشپەندىلەر ويىندارىنا دا، باسقا دا بولاشاق جارىستارعا دايىندىعىن تەكسەرۋگە تاماشا مۇمكىندىك بولماق.
ۇلتتىق ات سپورتى- مادەنيەتىمىز بەن بولمىسىمىزدىڭ ماڭىزدى بولىگى. مينيسترلىك ۇلتتىق قۇندىلىقتاردى دامىتۋ جانە ىلگەرىلەتۋ بويىنشا بەلسەندى جۇمىس ىتەپ جاتىر. ولارمەن اينالىساتىن ادامداردىڭ سانى ارتىپ كەلەدى. ەلوردا قوناقتارى مەن تۇرعىندارىن «ۇلى دالا جورىعى» اشىلۋ سالتاناتىنا قاتىسۋعا جانە وعان قاتىسۋشىلاردى قولداۋعا شاقىرامىن.
