قالا اكىمى 2 ملرد تەڭگەنىڭ قالاداعى جولى ساپاسىز اۋداندارعا قايتا بولىنەتىنىن ايتتى
ەربولات دوسايەۆ الماتىدا حالىق سانىنىڭ ءوسۋى مەن جوعارى ماياتنيكتىك كوشى-قون اياسىندا كولىك، الەۋمەتتىك، تۇرعىن ءۇي جانە وزگە دە ينفراقۇرىلىمدى دامىتۋ ماسەلەسى ەرەكشە وتكىر تۇرعانىن اتاپ ءوتتى، دەپ حابارلايدى Almaty-akshamy.kz Almaty.tv-عا سىلتەمە
جاڭا الماتىنى كەشەندى دامىتۋ جوسپارى اياسىندا كەمىندە 100 شاقىرىم جاڭا جول سالىنادى.
«ءال-فارابي داڭعىلىنىڭ ۇلكەن الماتى اينالما جولىنان ساين كوشەسىنە دەيىنگى ارالىقتاعى اۋماعىن ورتاشا جوندەۋگە جوسپارلانعان 2 ميلليارد تەڭگەنى قالاداعى ساپالى جولى جوق نەمەسە جول توسەنىشى ساپاسىز اۋدانداردىڭ جول قۇرىلىسىنا قايتا ءبولۋ تۋرالى شەشىم قابىلداعانىمدى مالىمدەيمىن. رەزەرۆتەردى ىزدەستىرۋ جۇمىستارى جالعاسادى»، - دەپ اتاپ ءوتتى ەربولات دوسايەۆ.
2022 جىلى قالاداعى 2 جول ايرىعىنداعى جانە اۋەزوۆ كوشەسىن ۇزارتۋ جۇمىستارى اياقتالادى.
«وسى جىلدىڭ مامىر ايىندا جوسپارلانىپ وتىرعان 2 مەتروستانسياسىنىڭ ىسكە قوسىلۋى جولاۋشىلار اعىنىن كۇندەلىكتى 30-دان 86 مىڭ ادامعا دەيىن ارتتىرادى»، - دەدى شاھار باسشىسى.