اكىمدەر جوعارى ناتيجەگە قول جەتكىزۋ ءۇشىن ەسكى ۇيلەر مەن ساياجايلاردى دا ەسەپكە قوسىپ جىبەرەدى دەگەن اقپارات بار. بۇل تۋرالى ۇكىمەتتىڭ كەڭەيتىلگەن وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى اlmaty-akshamy.kz
«بىلتىر ەلىمىز بويىنشا 17 ملن شارشى مەتر تۇرعىن ءۇي سالىندى. بۇل - بۇرىن ەشقاشان بولماعان كورسەتكىش. الايدا، ونىڭ قانشالىقتى دۇرىس مالىمەت ەكەنىن تەكسەرۋ كەرەك. اكىمدەر جوعارى ناتيجەگە قول جەتكىزۋ ءۇشىن ەسكى ۇيلەر مەن ساياجايلاردى دا ەسەپكە قوسىپ جىبەرەدى دەگەن اقپارات بار. ال بيىل بىلتىرعىدان 1 ملن شارشى مەتر ارتىق ءۇي سالىنادى دەپ جوسپارلانىپ وتىر. ءبىراق، قۇرىلىستىڭ مۇنداي قارقىنىنا كوممۋنالدىق ينفراقۇرىلىم ىلەسە الماي جاتىر. ەلوردامىزداعى احۋال - وسىنىڭ ايقىن دالەلى»، - دەدى پرەزيدەنت.
مەملەكەت باسشىسىنىڭ دەرەگىنشە، قالادا الداعى 3 جىلدا ساعاتىنا 900 گكالل جىلۋ تاپشىلىعى بولۋى مۇمكىن.
«ءدال وسىنداي ماسەلە كەيبىر وبلىس ورتالىقتارىندا دا بار. قۇرىلىس جوسپارىن ەسكەرە وتىرىپ، وعان قانشا كوممۋنالدىق ينفراقۇرىلىم قۋاتى قاجەت بولاتىنىن بولجاي ءبىلۋى كەرەك. ۇكىمەت بۇل جۇمىستى اكىمدەرمەن بىرلەسىپ اتقارۋعا ءتيىس. وسى تالداۋدىڭ نەگىزىندە ناقتى شارالار قابىلداۋ قاجەت. مۇنان بىلاي ءتيىستى ينجەنەرلىك جانە الەۋمەتتىك ينفراقۇرىلىمى بار جەرگە عانا تۇرعىن ءۇي سالىنۋى كەرەك»، - دەدى قاسىم-جومارت توقايەۆ.