الماتىداعى ءال-فارابي داڭعىلىن ورتاشا جوندەۋ جوسپارعا سايكەس ءجۇرىپ جاتىر: سەيفۋللين داڭعىلىنا بۇرىلاتىن جول جوندەلەدى
الماتىدا ءال-فارابي داڭعىلىنداعى جول جوندەۋ جۇمىستارى كەستەگە سايكەس جۇرگىزىلىپ كەلەدى جانە جاڭا وقۋ جىلىنا دەيىن اياقتالادى. قازىرگى ۋاقىتتا تورايعىروۆ كوشەسىنەن دوستىق داڭعىلىنا دەيىنگى جولدىڭ وڭتۇستىك جاعىندا جوندەۋ جۇمىستارى اياقتالدى – قوزعالىس اشىق. سولتۇستىك جاعىندا دوستىق داڭعىلىنان سەيفۋللين داڭعىلىنا دەيىن جوندەۋ اياقتالىپ، كولىك قوزعالىسى اشىلدى.
كەلەسى كەزەڭ - ءال-فارابي داڭعىلىنان سولتۇستىك باعىتتا سەيفۋللين داڭعىلىنا بۇرىلىس.
اتالعان ۋچاسكەنى جوندەۋ جۇمىستارى 25 شىلدە ساعات 23:00-دەن 27 شىلدە ساعات 07:00-گە دەيىن جۇرگىزىلەدى.
جول جوندەۋ جۇمىستارى جايلى سوڭعى جاڭالىقتار قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، سونىمەن قاتار، 2گيس قوسىمشاسىندا قولجەتىمدى.
ەستەرىڭىزگە سالا كەتەيىك، الماتىداعى ماگيسترالدىق كوشەلەرگە جول توسەمىن توسەۋدە العاش رەت جاڭا تەحنولوگيالاردى قولدانىلدى. اسفالتبەتونداردىڭ قۇرامىندا پوليمەرلەر قولدانىلادى. مۇنداي قوسپالار توزۋعا ءتوزىمدى، جۇمسارۋ تەمپەراتۋراسى جوعارى (65-70°C)، ىستىققا توتەپ بەرىپ، الدەقايدا ۇزاعىراق قىزمەت ەتەدى. قازىرگى 5 جىلدىڭ ورنىنا 8-10 جىل پايدالانۋعا بولادى.
جول جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلىپ وتىر. ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارى ۇزاعىراق پايدالانۋعا قاجەتتى شارا. مارشرۋتتى الدىن الا جوسپارلاپ الىڭىزدار.