الماتى تاۋلارىندا مەدەۋ اۋدانىنىڭ وڭتۇستىك بولىگىن سۋمەن جابدىقتاۋعا سەبەپكەر بولعان سەل قالدىقتارى جويىلۋدا
الماتى وڭىرىندەگى تەمپەراتۋرانىڭ كوتەرىلۋى كىشىالماتى شاتقالىنداعى تاۋلى قار جامىلعىسىنىڭ كۇرت ەرىتتى، بۇل ءوز كەزەگىندە سۋ دەڭگەيىنىڭ كۇرت كوتەرىلۋىنە، جاعالاۋلاردىڭ شايىلىپ كەتۋىنە،سەلدىڭ ورىن الۋىنا، جەرگىلىكتى سەلدىڭ ورىن الۋىڭا كىشىالماتى شاتقالىنداعى تاۋ وزەنىندەگى سۋدىڭ لايلانۋىنا اكەلدى.
تابيعي قۇبىلىستان تۋىنداعان باستاپقى سۋدىڭ لايلانۋىنىڭ جوعارى كونسەنتراسياسى ءۇشىنشى كۇنى سۋ تازارتۋ ستانسيالارىندا ودان ءارى سۋ دايىنداۋ ءۇشىن قاجەتتى سۋ كولەمىن الۋعا مۇمكىندىك بەرمەيدى. وسىعان بايلانىستى مەدەۋ اۋدانىنىڭ وڭتۇستىك بولىگىندە، ءال-فارابي داڭعىلىنىڭ وڭتۇستىگىندە اۋىز سۋ بەرۋ قىسىمى تومەندەپ، شەكتەلدى.
«وسى شىلدەدە سوڭعى 8 جىلدا ادەتتەن تىس ىستىق اۋا-رايى ورىن الدى. تەمپەراتۋرانىڭ جوعارىلاۋىنا بايلانىستى 12 كۇن بويى تاۋلاردا مۇزدىقتاردىڭ بەلسەندى ەرۋى بايقالادى»، - دەدى الماتى قالاسى تجد باستىعىنىڭ م.ا. پولكوۆنيك ەرلان الىبەكوۆ.
الماتى تاۋلارىندا سەل شىعارىندىلارىنىڭ سالدارى جويىلادى. تجد وزەن ارناسىنا جەتۋ ءۇشىن جولدى تازارتۋ جۇمىستارىن جۇرگىزۋدە.
«سەل ويىعىنداعى تاۋلى وزەننىڭ جاعالاۋلارىن نىعايتۋ (ۇزىندىعى شامامەن 8 كم) بيىك تاۋلاردا بولۋىنا بايلانىستى مۇمكىن ەمەس. جۇمىستاردىڭ قول جەتىمدىلىگى، بەتكەيلەردىڭ تىك بولۋى جانە ينفراقۇرىلىمنىڭ جوقتىعى قيىن بولۋدا»، - دەدى الماتى قالاسى تجد باستىعىنىڭ م.ا. پولكوۆنيك ەرلان الىبەكوۆ. قازىرگى ۋاقىتتا قازسەلدەنقورعاۋدىڭ 8 ينجەنەرلىك تەحنيكاسى تراكتور اۆتوجولىن (تۇيىق سۋ مۇزدىعى) ەروزيا سالدارىنان تازارتۋ بويىنشا جۇمىستار جۇرگىزىلۋدە.
سونىمەن قاتار، قازگيدرومەت رمك دەرەكتەرىنە سايكەس، اۋا تەمپەراتۋراسىنىڭ بىرتىندەپ تومەندەۋى اعىمداعى اپتانىڭ سوڭىنان كۇتىلۋدە. اۋا تەمپەراتۋراسىنىڭ تومەندەۋى مۇزدىقتاردىڭ ەرۋىن ازايتۋعا كومەكتەسەدى، بۇل جاعداي سۋدىڭ ساپاسىن جاقسارتادى.
قالالىق ەنەرگەتيكا جانە سۋمەن جابدىقتاۋ باسقارماسىنىڭ مالىمەتىنشە، قالاعا بەرىلەتىن سۋ كولەمىنىڭ ساپاسى تۇراقتى زەرتحانالىق باقىلاۋدا. بۇل رەتتە سوڭعى كۇندەرى مەدەۋ سۇزگى ستانسياسىنداعى لايلانۋ دەڭگەيى 600مگ.دم3-تەن (ا.ج.22 شىلدەسى) 142مگ. دم3-كە (ا. ج. 24 شىلدەسى) دەيىن تومەندەدى، الايدا تاۋلى وزەندەردىڭ ارناسىنان اسۋىنا بايلانىستى لايلانۋ كونسەنتراسياسى قايتادان كۇشەيە ءتۇستى. كۇنى بويى، اعىمداعى جىلدىڭ 25 شىلدەدە لايلانۋ 170-358مگ. دم3 دەڭگەيىندە ساقتالادى.
«تەمپەراتۋرا كەستەسى ودان ءارى تومەندەگەن جاعدايدا ماماندار باستاپقى سۋدىڭ لايلانۋ كونسەنتراسياسىنىڭ تومەندەۋىن بولجايدى، بۇل ءوز كەزەگىندە اۋدان تۇرعىندارى ءۇشىن سۋ بەرۋدى ودان ءارى قالپىنا كەلتىرۋگە الىپ كەلەدى»، - دەدى ەنەرگەتيكا جانە سۋمەن جابدىقتاۋ باسقارماسىنىڭ باسشىسى تالعات مالىبايەۆ.
اكىمدىك تۇرعىنداردى سۋعا قولجەتىمدىلىكپەن قامتاماسىز ەتۋ بويىنشا ۋاقىتشا شارالار قابىلدادى. تۇرعىندارمەن كەزدەسۋ بارىسىندا مەدەۋ اۋدانىنىڭ اكىمى ەركەبۇلان ورازالين مەن «الماتى سۋ» مكك باس ديرەكتورى ءىلياس قازييەۆ قىسىمدى تومەندەتۋ جانە سۋ بەرۋدى ۋاقىتشا شەكتەۋ بويىنشا جاعدايدى ءتۇسىندىردى.
«بۇگىن ءبىز «الماتى سۋ» باسشىلىعىمەن بىرگە مەدەۋ اۋدانىنىڭ وڭتۇستىك بولىگىنىڭ تۇرعىندارىمەن كەزدەستىك. تۇرعىنداردىڭ ءوتىنىشى بويىنشا سۋ تاسيتىن كولىكتەردىڭ سانى ۇلعايتىلدى (8 بىرلىككە دەيىن)، بيوتۋالەتتەر ورناتىلدى، اتالعان ماسەلەلەر بويىنشا جەدەل جەلى ۇيىمداستىرىلدى»، - دەدى ە. ورازالين.
سۋ تاسىعىشتار مەن بيوتۋالەتتەر بويىنشا وتىنىمدەر مىناداي نومىرلەر بويىنشا قابىلدانادى: + 7 775 594 90 94 (دارەتحانالار بويىنشا)، + 7 707 776 47 72 (سۋ تاسيتىن كولىكتەر بويىنشا). حالىقتىڭ مۇقتاجدىقتارى ءۇشىن اۋىز سۋدى ارنايى تەحنيكامەن جەتكىزۋ ۇيىمداستىرىلدى، وتىنىمدەردى «الماتى سۋ» مكك ديسپەچەرلىك قىزمەتى كەلەسى نومىرلەر بويىنشا قابىلدايدى: 274-66-66، +7 777-852-91-01.
انىقتاما:
«الماتى سۋ» مكك دەرەكتەرى بويىنشا قازىرگى ۋاقىتتا كەلەسى مەكەنجايلار بويىنشا ورنالاسقان تۇتىنۋشىلارعا سۋ بەرۋ شەكتەلگەن: يۋبيلەينىي، تاۋ سامال (كامەنسكوە پلاتو)، «ۆيپ الەم» كوتتەدج قالاشىعى، «ەۆروپوليس» تك، كەرەي جانىبەك حاندار كوشەسى، وڭداسىنوۆ كوشەسى، لادۋشكين كوشەسى، وسپانوۆ كوشەسى، قىز جىبەك كوشەسى، جانىبەكوۆ كوشەسى، نايمانبايەۆ كوشەسى، دوستىق داڭعىلى، چايكين كوشەسى.
جەلىلەردەگى سۋ قىسىمىنىڭ تومەندەۋى قاجى مۇقان، بايجانوۆ، لۋگانسكيي، دوستىق داڭعىلى، نۇرماعامبەتوۆ، ساحارييەۆ كوشەلەرىندە، «كوك توبە»، «سامال 1-3»، «تاۋلى قىرات» شاعىن اۋداندارىندا بايقالادى.