پوليسيا اككاۋنتىڭىزدى الاياقتاردان قورعاۋ جولدارىن ەسكە سالدى، دەپ حابارلايدى aqshamnews.kz.
جەكە پاراقشالارىڭىز بەن دەرەكتەرىڭىز ءقاۋىپسىز بولۋى ءۇشىن:
- ءقۇپياسوز 12345 بولماۋى كەرەك!
ۇزىن، كۇردەلى ءقۇپياسوز قويىڭىز: باس جانە كىشى ارىپتەر، ساندار جانە ارنايى بەلگىلەر (@، #، &) بولسىن. ءاتى-جونىڭىزدى، تۋعان كۇنىڭىزدى نەمەسە قاراپايىم سوزدەردى قولدانباڭىز.
- ءقۇپياسوزدى دۇرىس ساقتاڭىز.
تەلەفونداعى “Notes”-قا نەمەسە قاعازعا جازباڭىز. ونىڭ ورنىنا پارول مەنەدجەرىن قولدانىڭىز — ول سىزگە جاڭا ءقۇپياسوز قۇرىپ، ساقتاپ، قاجەت بولعاندا اۋىستىرىپ بەرەدى.
- ۆيدەو مەن قوڭىراۋداعى ادامدى تەكسەرىڭىز.
الاياقتار ديپفەيك قولدانۋى مۇمكىن. سويلەسىپ وتىرعان ادامنان باسىن بۇرۋىن نەمەسە جانىندا تۇرعان زاتتى كورسەتۋىن سۇراڭىز. شۇعىل اقشا جىبەرمەڭىز — “تۋىس” بولسا دا، الدىمەن قوڭىراۋ شالىپ، راستاڭىز.
- الەۋمەتتىك جەلىدە اباي بولىڭىز.
كوپتەگەن پلاتفورما جاساندى ينتەللەكتپەن جاسالعان سۋرەتتەردى بەلگىلەيدى جانە كۇماندى كونتەنت تۋرالى ەسكەرتەدى. سەن، ءبىراق تەكسەر. كۇماندى حابارلاما كەلسە — باسقا مەسسەندجەر نەمەسە تەلەفون ارقىلى قايتا حابارلاسىڭىز. دەرەكتەرىڭىزدى قورعاڭىز.