قاۋلى 2022 جىلعى 28 ناۋرىزدان باستاپ كۇشىنە ەنەدى
اكىمشىلىك عيماراتتارعا كىرۋ ءۇشىن قويىلاتىن سانيتارلىق تالاپتاردىڭ وزگەرۋى تۋرالى ق ر پرەزيدەنتى ءىس باسقارماسى مەديسينالىق ورتالىعىنىڭ باس سانيتاريالىق دارىگەرىنىڭ قاۋلىسى جاريالاندى، دەپ حابارلايدى Almaty-akshamy.kz.
قازاقستان رەسپۋبليكاسى پرەزيدەنتى ءىس باسقارماسى مەديسينالىق ورتالىعىنىڭ باس سانيتاريالىق دارىگەرىنىڭ اعىمداعى جىلدىڭ 25 ناۋرىزىنداعى قاۋلىسىنا سايكەس مەملەكەتتىك ماڭىزى بار عيماراتتاردا ازاماتتارعا «ASHYQ» قوسىمشاسىن پايدالانباۋعا جانە بەتپەردە كيمەي جۇرۋگە رۇقسات ەتىلەدى. «ASHYQ» قوسىمشاسى ارقىلى كىرۋ تەك اقوردا عيماراتىندا عانا ساقتالادى. وسى قاۋلى 2022 جىلعى 28 ناۋرىزدان باستاپ كۇشىنە ەنەدى.