ەربولات دوسايەۆ الاتاۋ اۋدانىنىڭ تۇرعىندارىمەن كەزدەسىپ جاتىر

ازاماتتارىمىزدىڭ ءال-اۋقاتىن جاقسارتۋ - باستى مىندەت

الماتى قالاسىنىڭ اكىمى ەربولات دوسايەۆتىڭ الاتاۋ اۋدانىنىڭ تۇرعىندارىمەن كەزدەسۋى ءوتىپ جاتىر، دەپ حابارلايدى Almaty-akshamy.kz. 

«قۇرمەتتى الاتاۋ اۋدانىنىڭ تۇرعىندارى! سىزدەردى كەزەكتى كەزدەسۋدە كورگەنىمە قۋانىشتىمىن! بۇگىندە ءبىزدىڭ ماڭىزدى مىندەتىمىز ەكونوميكانى ودان ءارى دامىتۋ، ازاماتتارىمىزدىڭ ءال-اۋقاتىن جاقسارتۋ بولىپ تابىلادى»، - دەدى قالا باسشىسى تۇرعىندارعا.

سونىمەن بىرگە، اكىمنىڭ ايتۋىنشا، وسى جىلى 9 اقپان جانە 28 ساۋىردە وتكەن كەزدەسۋدە اۋدان تۇرعىندارى 120-عا جۋىق ماسەلە كوتەرگەن بولاتىن. ولار نەگىزىنەن تۇرعىن ۇي-كوممۋنالدىق شارۋاشىلىق، قوعامدىق كولىك، الەۋمەتتىك سالا، جەر قاتىناستارى، بيزنەستى قولداۋعا قاتىستى بولدى. سونىمەن بىرگە، جەكە سيپاتتاعى ماسەلەلەر بويىنشا سۇراقتار قويىلدى.

«كەزدەسۋ بارىسىندا 57 سۇراققا تۇسىنىكتەمە بەرىلدى. قالعان 63 ماسەلە بويىنشا مەن حاتتامالىق تاپسىرمالار بەردىم. ولاردى قالالىق باسقارمالار مەن كوممۋنالدىق قىزمەتتەر ورىنداپ جاتىر. بۇگىندە تاپسىرمالاردىڭ 70%-ى ورىندالدى. قالعاندارى بويىنشا جۇمىس ءجۇرىپ جاتىر. ەندى سىزدەر كوتەرگەن مەسەلەلەردى شەشۋ بويىنشا قابىلدانعان جانە قابىلدانىپ جاتقان شارالارعا توقتالايىن»، - دەدى ەربولات دوسايەۆ.