الماتى اكىمدىگىنىڭ سىرتقى جارىقتاندىرۋدى مودەرنيزاسيالاۋمەن اينالىساتىن جەكە سەرىكتەس الدىندا بەرەشەگى جوق
اكىمدىكتىڭ بۇرىن سىرتقى جارىقتاندىرۋدى مودەرنيزاسيالاۋمەن اينالىسقان ەنەرگەتيكالىق كونسورسيۋمعا كىرەتىن «ABM-Building 2007» ج ش س جەكە سەرىكتەسى الدىنداعى بەرەشەگى تۋرالى اقپارات شىندىققا جاناسپايدى.
«الماتى قالا جارىق» شجق مكك مەن جەكە ارىپتەس اراسىنداعى ءونىم بەرۋشى تاراپىنان جۇمىستاردى ورىنداماۋى سەبەبىنەن كەلىسىم شارتتىق مىندەتتەمەلەر 2023 جىلعى ماۋسىمدا توقتاتىلدى. كەيىن قازان ايىندا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن «الماتى قالاسىنىڭ سىرتقى جارىقتاندىرۋدى مودەرنيزاسيالاۋ» جوباسى بويىنشا ءمجا شارت بۇزىلدى.
2019-2023 جىلدار كەزەڭىندە شارت بويىنشا جەكە ارىپتەسكە ونىڭ ينۆەستيسيالارى مەن قىزمەت كورسەتۋ شىعىندارىن وتەۋ ەسەبىنەن 26،9 ملرد تەڭگە تولەندى. شارت بويىنشا تولەمدەر جەكە سەرىكتەستىڭ ءوز مىندەتتەمەلەرىن ورىنداماۋىنا بايلانىستى 2023 جىلعى شىلدەدەن باستاپ توقتاتىلدى. تيىسىنشە، قىزمەتكەرلەرگە جالاقى تولەۋ جاۋاپكەرشىلىگى كومپانيانىڭ وزىنە جۇكتەلەدى.
كەلىسىم شارتتىڭ 13.13 - تارماعىنا سايكەس ورىندالعان جۇمىستاردىڭ اقج-مەن كەلىسىلگەن اكتىلەرى ورىندالعان جۇمىستارعا اقى تولەۋ ءۇشىن نەگىز بولىپ تابىلادى. 2023 جىلعى شىلدە-تامىز ايلارىنداعى اكتىلەرگە اقج تاراپىنان ورىندالعان جۇمىستاردىڭ ساپاسىنا قاتىستى ەسكەرتۋلەرگە بايلانىستى قول قويىلماعان، ولار ەشقاشان جويىلماعان. بارلىق قارسىلىقتار كەلىسىم شارت تالاپتارىنا سايكەس جازباشا تۇردە راسىمدەلدى.
ءمجا شارتىنا سايكەس جەكە ارىپتەس 2019-2023 جىلدار ارالىعىندا مودەرنيزاسيالاۋدى اياقتاۋى ءتيىس ەكەنىن جانە مودەرنيزاسيالاۋ كەستەسىن ورىنداماعانى ءۇشىن ينۆەستيسيالانعان قارجى قاراجاتىن وتەۋ فاكتى بويىنشا جۇرگىزىلگەنىن قوسامىز.
كەلىسىم شارت بويىنشا جەكە سەرىكتەس 2019-2023 جىلدار ارالىعىندا 12،5 ملرد. تەڭگە ينۆەستيسيالاپ، 44 مىڭنان استام جارىق نۇكتەلەرىن مودەرنيزاسيالاۋى ءتيىس ەدى. جەكە سەرىكتەس 13،5 مىڭ جارىق نۇكتەسىن جاڭارتتى، ياعني كەلىسىم شارت بويىنشا ءوز مىندەتتەمەلەرىن ورىندامادى.
«اكىمدىكتىڭ بۇرىنعى جەكە ارىپتەسى الدىنداعى بەرەشەگى جوق.
اعىمداعى جىلدىڭ ماۋسىم ايىنان باستاپ تالاپ-ارىز جۇمىسى باستالدى، وندا اقى تولەۋ قاجەت جۇمىس فاكتىسى بولعان جوق. ياعني، ونى قابىلداۋشى تاراپ ەشقانداي قۇجاتتارمەن راستامايدى»، - دەدى الماتى قالاسى ەنەرگەتيكا جانە سۋمەن جابدىقتاۋ باسقارماسى.
ەسكە سالساق، «الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسى» كمم، «الماتى قالا جارىق» شجق مكك جانە «ABM-Vuilding 2007» ج ش س، «ەلەكترورەمونت» ج ش س جانە «ABM-Project» ج ش س قۇرامىنداعى كونسورسيۋمدا «الماتى قالاسىنىڭ سىرتقى جارىقتاندىرۋدى مودەرنيزاسيالاۋ» جوباسى بويىنشا مەملەكەتتىك-جەكە ارىپتەستىك كەلىسىم شارتى 2018 جىلى 27 ملرد-قا جۋىق سوماعا جاسالعان بولاتىن.ول كەيىننەن جۇمىس كولەمىنىڭ ۇلعايۋىنا بايلانىستى 43،6 ملرد-قا دەيىن ءوستى.
الماتى قالاسى ەنەرگەتيكا جانە سۋمەن جابدىقتاۋ باسقارماسى