تۇركيادا ەگەي جانە جەرورتا تەڭىزدەرى ارناسىنان اسىپ، سونىڭ سالدارىنان يزمير، انتاليا سىندى ءىرى قالالار سۋ استىندا قالدى، دەپ حابارلايدى almaty-akshamy.kz TRT Haber ارناسىنا سىلتەمە جاساپ.
يزميردە قارشىياكا جانە كوناك اۋداندارىندا جاعالاۋلار، باقتار، جولدار، كەڭسەلەر، كوپقاباتتى ۇيلەر مەن دۇكەندەر سۋ استىندا قالدى. انتاليادا جاڭبىر جاۋادى. داۋىلعا بايلانىستى پاروم رەيستەرى توقتاتىلدى.
الساندجاك جانە كوردون ايماقتارىندا قايىقتارداعى قۇتقارۋشىلار سۋ باسقان ءدامحاناعا كەلۋشىلەردى ەۆاكۋاسيالادى. ماۆيشەحيردە سيرەنالار تۇرعىندارعا سۋ تاسقىنى ءقاۋپى تۋرالى ەسكەرتتى. كەيبىر تۇرعىندار كولىكتەردى جەراستى گاراجدارىنان شىعارۋعا تىرىسىپ جاتىر.
ىستامبۇلدا اۋا تەمپەراتۋراسى +8 گرادۋسقا دەيىن تومەندەدى. سابيحا گوكچەن اۋەجايىنداعى رەيستەردىڭ 15 پايىزى كەيىنگە قالدىرىلدى. تۇرىك بيلىگى اۋا رايىنىڭ قولايسىزدىعىنا بايلانىستى 64 پروۆينسيادا «قىزعىلت سارى» جانە «سارى» دابىل دەڭگەيىن جاريالادى.