ورتالىقتاردا ەمدىك دەنە شىنىقتىرۋ، ماسساج، دەفەكتولوگ، لوگوپەد، پسيحولوگ جانە ت.ب. كابينەتتەر بار.
جەكە سەكتوردى تارتا وتىرىپ، ارناۋلى الەۋمەتتىك قىزمەتتەر كورسەتۋ جونىندەگى پيلوتتىق جوبانى ىسكە اسىرۋ شەڭبەرىندە قازاقستاننىڭ التى وڭىرىندە مۇگەدەكتىگى بار بالالارعا ارنالعان سىيىمدىلىعى شاعىن ۇيلەر اشىلدى، دەپ حابارلايدى almaty-akshamy.kz
سىيىمدىلىعى شاعىن ۇيلەر قۇرۋ ق ر الەۋمەتتىك كودەكسىندە بەلگىلەنگەن الەۋمەتتىك قىزمەت كورسەتۋ جۇيەسىن ترانسفورماسيالاۋ اياسىنداعى جۇمىس باعىتتارىنىڭ ءبىرى بولىپ تابىلادى. ءىرى ينتەرنات ۇيلەرىندە قىزمەت كورسەتۋدەن شاعىن جيناقتى الەۋمەتتىك قىزمەت كورسەتۋ ۇيىمدارىندا قىزمەت كورسەتۋگە كوشۋ كوزدەلەدى. جان باسىنا شاققانداعى قارجىلاندىرۋ ارقىلى جەكە سەكتوردى تارتۋ ارقىلى ارناۋلى الەۋمەتتىك قىزمەتتەر كورسەتۋدىڭ مەملەكەتتىك ورتالىقتارىن كەزەڭ-كەزەڭىمەن مونوپولياسىزداندىرۋ جۇزەگە اسىرىلادى. سىيىمدىلىعى شاعىن ۇيلەردى مۇگەدەكتىگى بار ادامدار تۇراتىن جەرلەردە، ونىڭ ىشىندە اۋىلدىق جەرلەردە تىكەلەي اشۋ جوسپارلانۋدا.
پيلوتتىق جوباعا ەلىمىزدىڭ 7 ءوڭىرى قاتىسۋدا: اقمولا، باتىس قازاقستان، قاراعاندى، تۇركىستان وبلىستارى جانە استانا، الماتى، شىمكەنت قالالارى.
بۇعان دەيىن حابارلانعانداي، مۇگەدەكتىگى بار بالالارعا ارنالعان العاشقى سىيىمدىلىعى شاعىن ءۇي 2023 جىلدىڭ 4 شىلدەسىندە قاراعاندىدا اشىلدى. وسىنداي سىيىمدىلىعى شاعىن ۇيلەر وسى جىلعى 29 تامىزدا كوكشەتاۋ مەن شىمكەنتتە، 1 قىركۇيەكتە استانادا، 10 قىركۇيەكتە تۇركىستان وبلىسىندا اشىلدى. قاراشا ايىندا ورال قالاسىندا تاعى ءبىر «اق نيەت» سىيىمدىلىعى شاعىن ءۇي اشىلدى.
جالپى، جوعارىدا اتالعان سىيىمدىلىعى شاعىن ۇيلەر 130 ورىنعا ەسەپتەلگەن.
مۇمكىندىگى شەكتەۋلى بالالارعا ارنالعان سىيىمدىلىعى شاعىن ۇيلەردە ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمى قولجەتىمدى الەۋمەتتىك-تۇرمىستىق، الەۋمەتتىك-مەديسينالىق، الەۋمەتتىك-پسيحولوگيالىق، الەۋمەتتىك-پەداگوگيكالىق، الەۋمەتتىك-ەڭبەك، الەۋمەتتىك-مادەني، الەۋمەتتىك-قۇقىقتىق، الەۋمەتتىك-ەكونوميكالىق تۇرلەرى بار.
سىيىمدىلىعى شاعىن ءۇي جاعدايىندا قىزمەت كورسەتۋ ستاسيونارلىق جانە جارتىلاي ستاسيونارلىق ۇيىمداردىڭ قولدانىستاعى جەلىسىنە بالاما بولىپ تابىلادى جانە بالانىڭ وتباسىمەن بىرگە بولۋىنا باعىتتالعان. بۇل رەتتە مۇگەدەكتىگى بار بالالاردىڭ اتا-انالارى جۇمىسقا شىعىپ، وتباسىنىڭ ءال-اۋقاتىن ارتتىرا الادى.