اقتاۋدا ماگيسترالدى قۇبىردىڭ جارىلۋىنان بىرنەشە شاعىناۋدان جىلۋدان اجىراتىلدى، دەپ حابارلايدى almaty-akshamy.kz قالا اكىمدىگىنىڭ الەۋمەتتىك جەلىدەگى پاراقشاسىنا سىلتەمە جاساپ.
اقتاۋ قالاسىنىڭ اكىمى ۇلىقبەك تنالييەۆتىڭ ايتۋىنشا، ماگيسترالدىق قۇبىرداعى اقاۋدى جويۋمەن ماماندار اينالىسىپ جاتىر.
«بىرنەشە شاعىناۋداندا جىلۋ بەرۋگە ۋاقىتشا شەكتەۋلەر ەنگىزىلدى، سابىرلىق تانىتىپ، كۇتۋدى سۇرايمىن... جوعارى شاعىن اۋدانداردى جىلۋمەن قامتيتىن ماگيسترالدىق 800 مم-لىك قۇبىردا اقاۋ شىقتى. كوممۋنالدىق قىزمەتتەر وسىندا، جوندەۋ جۇمىستارىن جۇرگىزىپ جاتىر. جاعداي مەنىڭ باقىلاۋىمدا»، - دەدى قالا باسشىسى.
ۇ.تنالييەۆ اپات ورنىنان ۆيدەو جاريالاپ، كەلتىرىلگەن قولايسىزدىقتار ءۇشىن تۇرعىنداردان كەشىرىم سۇرادى. كوممۋنالدىق ماماندار اقاۋدى كەشكە دەيىن جوندەپ، قالىپقا كەلتىرۋدى جوسپارلاپ وتىر.