اقش-تىڭ تەننەسسي شتاتىندا بولعان تورنادو مەن قاتتى داۋىلدان كەم دەگەندە 6 ادام قازا تاپتى، دەپ حابارلايدى almaty-akshamy.kz BBC News-كە سىلتەمە جاساپ.
كوپتەگەن ءۇي زاقىمدالىپ، 60 مىڭعا جۋىق تۇرعىن جارىقسىز قالدى. تابيعي اپاتتان نەگىزىنەن شتاتتىڭ وڭتۇستىك ايماقتارى زارداپ شەكتى.
الەۋمەتتىك جەلىدە جاريالانعان ۆيدەودا اۋدارىلعان كولىكتەر مەن تامىرىمەن جۇلىنعان اعاشتاردى كورۋگە بولادى.
شتات استاناسى نەشۆيلدىڭ سولتۇستىگىندە 3 ادام قازا تاپتى. نەشۆيلدەن سولتۇستىك-باتىسقا قاراي 50 ميل جەردە ورنالاسقان كلاركسۆيلدە ەكى ەرەسەك جانە ءبىر بالا قايتىس بولدى. ونداعان ادام جاراقات الدى.
كلاركسۆيلل مەرى دجو پيتتس توتەنشە جاعداي جانە جەكسەنبىگە دەيىن جالعاساتىن كومەندانتتىق ساعات تۋرالى جاريالادى.
«بۇل – قورقىنىشتى جاڭالىق، جاقىندارىن جوعالتقاندار ءۇشىن جۇرەگىمىز اۋىرادى. قالا بيلىگى ولارعا قيىن ۋاقىتتا كومەكتەسۋگە دايىن»، - دەدى پيتتس.