مينيستر استاناداعى يت ەتىن ساتۋ وقيعاسىنا قاتىستى پىكىر ءبىلدىردى.
ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا استاناداعى مەكەمەلەرگە يت ەتىن ساتۋعا قاتىستى وقيعاعا پىكىر ءبىلدىردى، دەپ حابارلايدى Almaty-akshamy.kz Tengrinews.kz -كە سىلتەمە جاساپ.
«يت ەتىنە قاتىستى ماسەلەنى زەرتتەپ جاتىرمىز. ءبىراز جايتتار بار. الدىمەن سانيتارلىق-ەپيدەميولوگيالىق باقىلاۋ تەكسەرۋ كەرەك. سونداي-اق، ىشكى ىستەر مينيسترلىگىنەن زاڭ بۇزۋشىلىق دەرەگىنە قاتىستى شارا قولدانىلماق. كەشە عانا ءبىز بۇل ماسەلەنى ءوز ارامىزدا تالقىلادىق. الداعى ۋاقىتتا وسى ماسەلەنى ونتايلى شەشۋ ءۇشىن ىشكى ىستەر مينيسترلىگىنە جانە دەنساۋلىق ساقتاۋ مينيسترلىگىنە دە حابارلاسامىز»، - دەدى مينيستر ۇكىمەت وتىرىسىندا جۋرناليستەردىڭ سۇراقتارىنا جاۋاپ بەرىپ.
سۇلەيمەنوۆا جاقىن ارادا مينيسترلىك "جانۋارلاردى قورعاۋ تۋرالى" زاڭدى جۇزەگە اسىرۋ تۇرعىسىنان جۇمىس ىستەيتىن تەتىكتەردى ازىرلەۋ ماقساتىندا جانۋارلار قۇقىعىن قورعاۋشىلارمەن جانە باسقا دا ازاماتتىق قوعامنىڭ وكىلدەرىمەن كونسۋلتاسيالار باستايتىنىن ايتتى.