مۇحتار اۋەزوۆ اتىنداعى قازاق ۇلتتىق دراما تەاترىنىڭ عيماراتىندا جوندەۋ-جاڭعىرتۋ جۇمىستارى جۇرگىزىلەتىنىنە قاراماستان، تەاتر ءوزىنىڭ 99-شى ماۋسىمىن 16 قىركۇيەكتە باستايدى، دەپ حابارلادى تەاتردىڭ باسپا ءسوز قىزمەتى.
تەاتردىڭ كورەرمەندەرى ونەرپازداردىڭ قويىلىمدارىن وزگە تەاتر عيماراتتارىندا تاماشالاي الادى. مىسالى، 16 قىركۇيەكتە العاشقى قويىلىم – "قوزى كورپەش – بايان سۇلۋ" – Almaty Theatre تەاترىندا وتەدى.
ەسكە سالا كەتەيىك، 2026 جىلى مۇحتار اۋەزوۆ اتىنداعى قازاق ۇلتتىق دراما تەاترىنىڭ 100 جىلدىق مەرەيتويى اتالىپ وتەدى. وسىعان بايلانىستى، مەملەكەت باسشىسى قاسىم-جومارت توقايەۆ تەاتر عيماراتى تولىقتاي قايتا جاڭعىرتىلاتىنىن مالىمدەگەن بولاتىن.
"بۇل جۇمىس تەاتردىڭ 100 جىلدىق مەرەيتويىنا وراي 2026 جىلى اياقتالادى. الايدا، تەاتر ۇجىمى بيىك كوركەم ونەر مەن جاڭا تۇرپاتتى مادەنيەت جاساۋداعى، وتانسۇيگىشتىك، ىزگىلىك، ادامگەرشىلىك پەن سۇلۋلىقتى دارىپتەۋ جولىنداعى جۇمىسىن توقتاتپايدى،" – دەلىنگەن تەاتردىڭ حابارلاماسىندا.
قىركۇيەك ايىندا مۇحتار اۋەزوۆ اتىنداعى تەاتر كورەرمەندەرگە 7 قويىلىم ۇسىنباق. بۇل قويىلىمدار الماتى تەاترىندا، الماتى وبلىسىنىڭ تالعار قالاسىنىڭ مادەنيەت ۇيىندە جانە ەسىك قالاسىنىڭ مادەنيەت ۇيىندە وتەدى