الماتىنىڭ تەحنيكالىق رەتتەۋ دەپارتامەنتى جارتى جىل ىشىندە سايكەستىكتى راستايتىن 258 قۇجاتتىڭ كۇشىن جويدى
بۇل دەرەكتەردى وڭىرلىك كوممۋنيكاسيالار قىزمەتىنىڭ الاڭىندا ق ر ساۋدا جانە ينتەگراسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتىنىڭ، «قازستاندارت» رەسپۋبليكالىق مەملەكەتتىك كاسىپورنىنىڭ الماتى قالاسى جانە الماتى وبلىسى بويىنشا، سونداي-اق ۇلتتىق اككرەديتتەۋ ورتالىعىنىڭ وكىلدەرى ايتتى، دەپ حابارلايدى aqshamnews.kz
دەپارتامەنت 2024 جىلدىڭ ءبىرىنشى جارتىجىلدىعىندا 417 تەكسەرۋ جۇرگىزدى، ونىڭ 96% - ى تەحنيكالىق رەتتەۋ جانە اككرەديتتەۋ سالاسىنداعى زاڭنامانىڭ بۇزىلعانىن انىقتادى. تەكسەرۋ ناتيجەسىندە قۇرىلىس ماتەريالدارىنا، ەلەكتر جانە ونەركاسىپتىك تاۋارلارعا، سونداي-اق كولىك قۇرالدارىنا قاتىستى 258 سايكەستىكتى راستاۋ قۇجاتتارى جويىلدى. جۇمىس قورىتىندىسى بويىنشا 27،1 ملن تەڭگەدەن استام سوماعا اكىمشىلىك ايىپپۇلدار سالىندى، سەگىز سۋبەكتىنى اككرەديتتەۋ اتتەستاتتارى توقتاتىلدى.
«قازاقستان رەسپۋبليكاسىنىڭ تەحنيكالىق رەتتەۋ جانە سايكەستىكتى باعالاۋ سالاسىنداعى زاڭناماسىن بۇزعانى ءۇشىن 8 اككرەديتتەۋ سۋبەكتىسىنە اككرەديتتەۋ اتتەستاتتارىن التى اي مەرزىمگە توقتاتا تۇرىپ، 15 807 298 تەڭگە مولشەرىندە اكىمشىلىك ايىپپۇل سالىندى»، - دەدى ق ر ساۋدا جانە ينتەگراسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتىنىڭ باسشىسى قانات قابىلبەكوۆ.
بۇگىنگى تاڭدا دەپارتامەنت سۋبەكتىگە (وبەكتىگە) بارماي-اق، 359 پروفيلاكتيكالىق باقىلاۋ جانە قاداعالاۋ جۇرگىزدى، ونىڭ ىشىندە بارلىق 359 جاعدايدا زاڭنامانى بۇزۋ فاكتىلەرى انىقتالدى.
مەملەكەتتىك باقىلاۋ باعالى مەتالدار مەن اسىل تاستاردان جاسالعان زەرگەرلىك جانە باسقا دا بۇيىمداردى وتكىزۋشىلەرگە، سونداي-اق اككرەديتتەۋ سۋبەكتىلەرىنە، مۇناي ونىمدەرىن، كولىك قۇرالدارىنىڭ قوسالقى بولشەكتەرىن، ەلەكتر جانە ونەركاسىپتىك تاۋارلاردى جەتكىزۋشىلەر مەن وتكىزۋشىلەرگە قاتىستى جۇرگىزىلدى.
- بۇدان باسقا، الماتى قالاسى مەن قالا اۋداندارىنىڭ پروكۋراتۋراسىمەن ولشەم بىرلىگىن قامتاماسىز ەتۋ سالاسىنداعى ق ر زاڭناماسىنىڭ تالاپتارىن ساقتاۋ تۇرعىسىنان 21 بىرلەسكەن تەكسەرۋ جۇرگىزىلدى.
- تەكسەرۋ ناتيجەسىندە 19 جاعدايدا بەلگىلەنگەن تارتىپپەن تەكسەرۋدەن وتپەگەن ولشەم قۇرالدارى قولدانىلعانى انىقتالدى، بۇل قازاقستان رەسپۋبليكاسىنىڭ «ولشەم بىرلىگىن قامتاماسىز ەتۋ تۋرالى» زاڭىنىڭ 19-بابىن بۇزۋ بولىپ تابىلادى.
- بارلىعى – 2500 ولشەم قۇرالى تەكسەرىلدى، ونىڭ ىشىندە 247 ولشەم قۇرالى قولدانۋعا جارامسىز دەپ تانىلدى.
2024 جىلى دەپارتامەنت اتىنا جەكە جانە زاڭدى تۇلعالاردان ءونىمنىڭ سايكەستىگىن راستاۋدى، تەحنيكالىق رەتتەۋ جانە ولشەم بىرلىگىن قامتاماسىز ەتۋ سالاسىنداعى زاڭنامانى ءتۇسىندىرۋ بويىنشا 679 ءوتىنىش پەن حات كەلىپ ءتۇستى. كەلىپ تۇسكەن 218 ءوتىنىشتىڭ 56-سى باسقا مەملەكەتتىك ورگاندارعا جىبەرىلىپ، 162ء-سىن دەپارتامەنت قارادى.
«جەكە جانە زاڭدى تۇلعالاردىڭ بارلىق وتىنىشتەرى تۇراقتى نەگىزدە مەملەكەتتىك تىلدە ورىس تىلىنە اۋدارىلىپ، ولاردىڭ شاعىمدانۋ قۇقىقتارى ءتۇسىندىرىلىپ بەرىلەدى. كەلىپ تۇسكەن بارلىق وتىنىشتەر بويىنشا زاڭنامادا بەلگىلەنگەن مەرزىمدە جاۋاپتار بەرىلدى»، - دەپ اتاپ ءوتتى ق.قابىلبەكوۆ.
دەپارتامەنتتە «سەنىم تەلەفونى» جۇمىس ىستەيدى، ول بويىنشا ءاربىر زاڭدى نەمەسە جەكە تۇلعا دەپارتامەنت قىزمەتكەرلەرى تاراپىنان قۇقىققا قايشى ارەكەتتەر تۋرالى حابارلاي الادى. ونىڭ ءنومىرى 392-15-03.