«اكە» دەرەكتى ءفيلمىنىڭ تۇساۋكەسەرى ءوتتى

كينوتۋىندى مۇگەدەك بالالاردى تاربيەلەپ وتىرعان اتا-انالاردىڭ ماسەلەسى جايىندا.

وندا اۋتيزم دياگنوزى قويىلعان بالانىڭ ومىرىندەگى اكەنىڭ ءرولى مەن كەزدەسەتىن قيىندىقتار جايلى باياندالادى، دەپ حابارلايدى Almaty-akshamy.kz 24.kz-كە سىلتەمە جاساپ.

سوڭعى كەزدە مۇگەدەك بالالارىن تاستاپ كەتەتىن اكە كوبەيدى، - دەيدى اۆتورلار. سوندىقتان بۇل – قازىرگى قوعامنىڭ وزەكتى تۇيتكىلى. دەرەكتى ءفيلمنىڭ ماقساتى – وسى مۇگەدەك بالا تاربيەسىنە قوعام مەن مەملەكەتتىڭ نازارىن اۋدارۋ. تۋىندى اكەلەر كۇنىنە وراي العاش رەت كورسەتىلدى.

«بۇل فيلم مەنىڭ ومىرلىك وقيعاما نەگىزدەلىپ تۇسىرىلگەن. 2009 جىلى ۇلىما اۋتيزم دياگنوزى قويىلدى. سودان بەرى ءومىرىم تۇبەگەيلى وزگەردى. بۇل فيلمدە ءاۋتيزمى بار بالالاردىڭ اكەلەرى قانداي جولدان وتەتىنىن كورسەتىلگەن. سونىمەن قاتار تۋىندى ءبىرىنشى كەزەكتە اكەلەرگە جاۋاپكەرشىلىكتى ۇمىتپاي، مۇگەدەكتىگى بار بالالاردى تاستاماۋعا شاقىرادى. ەكىنشىدەن، بۇل قيىندىقتى دا بىرگە ەڭسەرۋگە بولاتىنىن كورسەتەدى. ۇشىنشىدەن، مەمەلكەت نازارىن ەرەكشە بالالاردىڭ كۇتىمىنە قاتىستى پروبلەماعا اۋدارتىپ، تەك جاردەماقىمەن ەمەس، جۇيەلى كومەك كورسەتۋدى ۇندەيدى»، - دەيدى ەرەكشە بالانىڭ اكەسى رۋسلان قازىبايەۆ.