ەلىمىزدە قانشا وتباسىعا الەۋمەتتىك كومەك تاعايىندالعان؟

2023 جىلعى 1 ماۋسىمداعى جاعداي بويىنشا 98 مىڭ وتباسىنداعى 514،3 مىڭ ادامعا اتاۋلى الەۋمەتتىك كومەك تاعايىندالدى.

ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتىنا سايكەس، بيىل  وسى ماقساتتارعا بيۋدجەتتەن 73،9 ملرد تەڭگە ءبولىندى، دەپ حابارلايدى Almaty-akshamy.kz.

ااك وتباسىنىڭ ءاربىر مۇشەسىنە، جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.

وسى جىلدىڭ 1 قاڭتارىنان باستاپ 1 جاستان باستاپ 6 جاستاعى بالالارعا بەرىلەتىن كەپىلدەندىرىلگەن الەۋمەتتىك توپتاما كومەكتىڭ تابيعي نىسانىنان، مونەتيزاسيالاۋ فورماتىنا، ياعني 1،5 اەك مولشەرىندە (2023 جىل – 5175 تەڭگە) قوسىمشا تولەم تۇرىنە  اۋىستىرىلدى.

2023  جىلعى 1 ماۋسىمداعى جاعداي بويىنشا ااك الۋشىلار قاتارىنداعى 1 جاستان 6 جاسقا دەيىنگى بالالاردى قوسا العاندا – 157،2 مىڭ بالالارعا قوسىمشا تولەم تاعايىندالدى.

قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، اۋىل وكرۋگىنىڭ اكىمىنە سونداي-اق egov.kz ەلەكتروندىق ۇكىمەت پورتالى ارقىلى بەرە الادى.