بۇگىن ق ر دەنساۋلىق ساقتاۋ ءمينيسترى اجار عينيات ق ر پرەزيدەنتى جانىنداعى ۇلتتىق عىلىم اكادەمياسىنىڭ ۆيسە-پرەزيدەنتى ءلاززات ەرالييەۆامەن مەديسينا عىلىمىن دامىتۋ سالاسىنداعى ىنتىماقتاستىق ماسەلەسى بويىنشا كەزدەسۋ وتكىزدى، دەپ حابارلايدى Almaty-akshamy.kz.
ق ر پرەزيدەنتى جانىنداعى ۇلتتىق عىلىم اكادەمياسى 2022 جىلعا ارنالعان عىلىم بويىنشا ۇلتتىق بايانداما دايىندادى، وندا قازاقستان عىلىمى سالاسىنداعى قازىرگى احۋال، ونىڭ الداعى 5 جىلعا ارنالعان پروبلەمالارى مەن دامۋ بولجامدارى كورسەتىلگەن.
قازىرگى ۋاقىتتا ۇلتتىق عىلىم اكادەمياسى فورسايتتىق زەرتتەۋ جوباسىن ازىرلەۋمەن اينالىسادى، ول ءۇشىن 4 وتاندىق جانە 4 شەتەلدىك مامانداردى قامتيتىن ساراپتامالىق توپ قۇرىلدى.
2023 جىلعا ارنالعان فورسايتتىق زەرتتەۋدىڭ باسىم باعىتتارىنىڭ ءبىرى گەنومدىق رەداكسيالاۋ زەرتحانالارىن دامىتۋ تۇجىرىمداماسىن ازىرلەۋ بولىپ تابىلادى.
دەنساۋلىق ساقتاۋ مينيسترلىگى ۇلتتىق اكادەميانىڭ عىلىمدى ناسيحاتتاۋ، قازاقستاندىق عالىمداردىڭ بەدەلىن ارتتىرۋ جانە ەلدەگى عىلىمدى دامىتۋ ءۇشىن عالىمداردى تارتۋ بويىنشا جۇرگىزىپ جاتقان جۇمىستارىنا قولداۋ كورسەتۋگە جانە قاتىسۋعا دايىن ەكەندىگىن ءبىلدىردى.
كەزدەسۋ بارىسىندا قازاقستاندا يادرولىق مەديسينانى دامىتۋ، مەديسينالىق عزي، ۇو بازاسىندا عىلىمي كادرلار دايارلاۋ، يممۋنداۋ ماسەلەلەرى سياقتى ماڭىزدى ماسەلەلەر كوتەرىلدى. دياگنوستيكا مەن ەمدەۋدىڭ كلينيكالىق ستاندارتتارىنا يننوۆاسيالىق تەحنولوگيالاردىڭ ينتەگراسياسىن جەدەلدەتۋ قاجەتتىلىگى انىقتالدى.
كەزدەسۋ سوڭىندا ق ر دەنساۋلىق ساقتاۋ ءمينيسترى اجار عينيات وتاندىق مەديسينا عىلىمىن دامىتۋ بويىنشا بىرلەسىپ جۇمىس ىستەۋ ماقساتىندا بەلسەندى ىنتىماقتاستىققا دايىن ەكەندىگىن اتاپ ءوتتى.