وسى جىلدىڭ 8 ايىندا 5 مينيسترلىك رەسپۋبليكالىق بيۋدجەتتەن بولىنگەن قاراجاتتى يگەرە المادى. بۇل تۋرالى پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆ ايتتى، دەپ حابارلايدى قازاقپارات ءتىلشىسى.
«مەملەكەتتىك بيۋدجەتتىڭ شىعىستارى - 98،8، رەسپۋبليكالىق بيۋدجەتتىڭ شىعىستارى – 99،3، جەرگىلىكتى بيۋدجەتتەردىڭ شىعىستارى 98،8 پايىزعا ورىندالدى. رەسپۋبليكالىق بيۋدجەت بويىنشا سوماسى 12،8 ترلن تەڭگەگە شىعىستار جۇرگىزىلدى. اتقارىلماۋ 95 ملرد تەڭگەنى، ونىڭ ىشىندە ۇنەمدەۋ 17 ملرد تەڭگەنى قۇرادى»، - دەدى ول.
ءمينيستردىڭ اتاپ وتۋىنشە، يگەرىلمەگەن قاراجات كولەمى 78 ملرد تەڭگەنى قۇرايدى.
«يگەرىلمەۋدىڭ نەعۇرلىم ءىرى سومالارى ەكولوگيا جانە تابيعي رەسۋرستار، مادەنيەت جانە سپورت، توتەنشە جاعدايلار، يندۋستريا جانە ينفراقۇرىلىمدىق دامۋ جانە وقۋ-اعارتۋ مينيسترلىكتەرىندە قالىپتاستى. يگەرىلمەۋدىڭ نەگىزگى سەبەپتەرى: كونكۋرستىق راسىمدەردىڭ ۇزاق وتكىزىلۋى؛ شارتتاردى، قوسىمشا كەلىسىمدەردى جاساسۋ راسىمدەرىن دەر كەزىندە وتكىزبەۋ؛ ورىندالعان جۇمىس اكتىلەرىنىڭ، شوت-فاكتۋرالاردىڭ ۋاقتىلى ۇسىنىلماۋى جانە باسقالارى»، - دەدى ەرۇلان جاماۋبايەۆ.