الماتىنىڭ 206 مەملەكەتتىك مەكتەبى مەن 8 ينتەرناتىندا قاۋىپسىزدىك جۇيەلەرى ورناتىلادى
الماتىدا اكىم ەربولات دوسايەۆتىڭ تاپسىرماسى بويىنشا 206 مەملەكەتتىك مەكتەپ پەن 8 ينتەرناتتى قولجەتىمدىلىكتى باقىلاۋ جۇيەسىمەن جاراقتاندىرۋ بويىنشا كەشەندى قاۋىپسىزدىك جۇيەسىن ەنگىزۋ جوسپارلانعان. بۇل تۋرنيكەتتەر، بەينەباقىلاۋ كامەرالارى، دابىل تۇيمەلەرى، ءورت قاۋىپسىزدىگى جۇيەسى جانە ت.ب. جوبا وسى جىلعا جوسپارلانعان. كەشەندى قاۋىپسىزدىك جۇيەسى – بۇل ءبىرقاتار ىشكى جۇيەلەرى بار ورتالىقتاندىرىلعان جۇيە – بۇل بەينەباقىلاۋ، كىرۋدى باقىلاۋ جانە باسقارۋ، ەكى جاقتى بايلانىس، قاۋىپسىزدىك جانە ءورت دابىلى.
جۇيەنى قۇرۋدىڭ ماقساتى الماتى قالاسىنىڭ ءبىلىم بەرۋ مەكەمەلەرىندە قوعامدىق قاۋىپسىزدىك دەڭگەيىن، قۇقىقتىق ءتارتىپتى ارتتىرۋ بولىپ تابىلادى. ول بەينەباقىلاۋدى جانە تىركەلگەن قۇقىق بۇزۋشىلىقتار مەن قاۋىپسىزدىك جاي-كۇيى تۋرالى شۇعىل قىزمەتتەردى ۋاقتىلى حاباردار ەتۋدى، مم-دە قاۋىپسىزدىكتى ۇيىمداستىرۋ جانە قولداۋ جونىندەگى شەشىمدەردى قالىپتاستىرۋ ءۇشىن قولدا بار جەدەل اقپاراتقا تالداۋ جۇرگىزۋدى قامتيدى.
كەشەندى قاۋىپسىزدىك جۇيەسى ءبىلىم بەرۋ نىساندارىنىڭ قاۋىپسىزدىگىن جانە مونيتورينگىن قامتاماسىز ەتۋگە ارنالعان:
ءاربىر مم-دە بەينەدەرەكتەردى كەمىندە 3 تاۋلىك مەرزىمدە جەرگىلىكتى ساقتاۋ، بۇل رەتتە بەرىلگەن دەرەكتەر دەرەكتەردى وڭدەۋ ورتالىعىندا (ءدوو) كەمىندە 30 كۇن ساقتالادى؛
تاپسىرىس بەرۋشى ۇسىناتىن بايلانىس ارنالارى ارقىلى ءاربىر ۇيىمنان بەينەمونيتورينگتىڭ ءبىرىڭعاي جۇيەسى (بمبج) ءدوو-عا بەينەدەرەكتەردى بەرۋ؛
مەملەكەتتىك ءبىلىم بەرۋ نىساندارىنىڭ عيماراتتارىنا كىرۋدى باقىلاۋدى قامتاماسىز ەتۋ؛
الماتى قالاسىنىڭ شۇعىل قىزمەتتەرىنىڭ پۋلتىنە سيگنال بەرەتىن شۇعىل بايلانىس تەرمينالىن (دابىل تۇيمەسى) ىسكە قوسۋ.
بەينەباقىلاۋ كامەرالارىنىڭ فۋنكسيونالدىعى جوعارى ساپادا جانە سۋرەتتەردى ەگجەي-تەگجەيلى تۇسىرۋگە مۇمكىندىك بەرەدى. دەرەكتەر ينتەرنەت جەلىسى ارقىلى سەرۆەرگە، دەربەس كومپيۋتەرگە نەمەسە كەز كەلگەن باسقا دا قۇرىلعىعا بەرىلەدى. 30 مەتر قاشىقتىقتاعى ينفراقىزىل جارىقتاندىرۋدىڭ ارقاسىندا تۇندە ءتۇسىرۋ مۇمكىندىگى بار. بەينەكامەرالاردان الىنعان جازبالاردى 30 كۇن بويى ساقتاۋعا بولادى.
بۇگىندە وقۋ ورىندارىندا بارلىعى 6 739 كامەرا ورناتىلعان، ونىڭ 4193ء-ى مەكتەپتىڭ ىشىندە، ال 2546-سى سىرتقا قويىلعان. سونىمەن قاتار، مەملەكەتتىك مەكتەپتەردىڭ بارلىعى مامانداندىرىلعان كۇزەت قىزمەتكەرىن شاقىرۋ مۇمكىندىگى بار دابىل تۇيمەسىمەن جابدىقتالعان.
قازىرگى ۋاقىتتا الماتىنىڭ 459 مەملەكەتتىك ءبىلىم بەرۋ ۇيىمى 16 299 كامەرامەن جابدىقتالعان. ولاردىڭ ىشىندە 193 بالاباقشا 7 344 كامەرامەن جابدىقتالعان. ءارى 15 ينتەرناتتىق مەكەمەدە 277 كامەرا جانە 20 كوللەدجدە 1503 كامەرا ورناتىلعان. بارلىعى 459 ءبىلىم بەرۋ ۇيىمىندا 678 دابىل تۇيمەسى ورناتىلدى. ال مامانداندىرىلعان كۇزەتپەن 254 ءبىلىم بەرۋ ۇيىمى قىزمەت كورسەتەدى.