ورازا ايت بيىل 30 ناۋرىزدا باستالادى.
قازاقستان مۇسىلماندارى ءدىني باسقارماسى ورازا ايت نامازىنىڭ كەستەسىن جاريالادى، دەپ حابارلايدى aqshamnews.kz
"ساعىندىرعان رامازان ايىنىڭ دا اياقتالۋىنا از قالدى. 30 ناۋرىز – ورازا ايت مەيرامى. قازاقستان مۇسىلماندارى ءدىني باسقارماسى وسى كۇنى وقىلاتىن ورازا ايت نامازىنىڭ ەلىمىز بويىنشا ازىرلەنگەن كەستەسىن نازارلارىڭىزعا ۇسىنادى"، - دەپ جازىلعان حابارلامادا.
ەسكە سالايىق، بيىل قاسيەتتى رامازان 1-29 ناۋرىز ارالىعىندا بولادى. ءقادىر ءتۇنى، كەشە، ياعني ناۋرىزدىڭ 26-سىنان 27-سىنە قاراعان تۇنگە ءدوپ كەلدى.
سونىمەن قاتار بيىل قازاقستان مۇسىلماندارى ءدىني باسقارماسىنىڭ ءتورالقا ماجىلىسىندە ءپىتىر ساداقا ەلىمىز بويىنشا ەكى كەلى ۇننىڭ ورتاشا باعاسى نەگىزىندە 655 تەڭگە بولىپ بەكىتىلدى.
ال ءۇش كۇنگە سوزىلاتىن قۇربان ايت 6-8 ماۋسىمعا سايكەس كەلىپ تۇر. ەلىمىزدەگى ەڭبەك كودەكسىنە سايكەس، مۇسىلمان كۇنتىزبەسى بويىنشا اتالاتىن قۇربان ايتتىڭ ءبىرىنشى كۇنى دەمالىس كۇنى بولىپ بەكىتىلگەن.
