قىتايدان ونلاين ساتىپ الىنعان تاۋارلاردى جەدەل جەتكىزەتىن پويىز اشىلدى. شاتتل-پويىز قازاقستان ارقىلى كورشى ەلدەرگە دە جۇرەدى.
«قازاقستان تەمىر جولى» كومپانياسى ينتەرنەت ارقىلى ساتىپ الىنعان تاۋارلاردى قىتايدان جەدەل جەتكىزەتىن پويىزدىڭ ىسكە قوسىلعانىن مالىمدەدى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
كومپانيانىڭ باسپا ءسوز قىزمەتى ءمالىم ەتكەندەي، جۇڭگو حالىق رەسپۋبليكاسىنان ونلاين ساتىپ الىنعان تاۋارلاردى ەندى تۇراقتى ترانزيتتىك شاتتل-پويىزى ارقىلى الدىرۋعا بولادى. پويىز قازاقستان ارقىلى كورشى ەلدەرگە دە جۇرەدى.
«ءۇرىمشى (قحر) باعىتى بويىنشا الاشاڭقاي – دوستىق شەكارالىق وتكەلى ارقىلى رەسەي باعىتىندا، سونداي-اق وزبەكستان مەن تاجىكستانعا قاتىنايتىن بولادى»، - دەلىنگەن حابارلامادا.
جۇكتى مەجەلى ستانسياعا جەتكىزۋ مەرزىمى 7-10 كۇندى قۇرايدى. تۇراقتى قىزمەت كورسەتۋ جيىلىگى – اپتا سايىن.
بولاشاقتا تاسىمالداۋ كولەمىنىڭ ودان ءارى ۇلعايۋىمەن شاتتلداردى جونەلتۋ جيىلىگى ۇلعايادى.