ەلىمىزدە 28 قاڭتاردان باستاپ پياز ەكسپورتتاۋعا ءۇش ايعا تىيىم سالىنعان.
ءبىراق ساۋدا جانە ينتەگراسيا ءمينيسترىنىڭ ايتۋىنشا، قازاقستان بۇل تىيىمدى ازىرگە الىپ تاستامايدى، دەپ حابارلايدى Almaty-akshamy.kz
"ءبىز بۇل ماسەلەنى ازىرگە قاراستىرىپ جاتقان جوقپىز. ساۋدا كوميتەتىنىڭ مالىمەتىنشە، جينالعان دەرەكتەر ەلدە ورتا ەسەپپەن 68 مىڭ توننا پياز بارىن كورسەتتى. بىزگە ءناۋرىز-ساۋىر ايلارىنا 40 مىڭ توننا پياز قاجەت"، - دەدى جۇمانعارين.
ەگەر بۇل مالىمەتتەر راستالسا، ساۋدا كوميتەتىنىڭ وكىلدەرى فەرمەرلەرمەن ىشكى نارىقتاعى باعا تۋرالى سويلەسەدى.
"سول كەزدە كۆوتالاۋ مۇمكىندىگىن قاراستىرامىز. ەرتەڭ سىرتقى ساۋدا قىزمەتى بويىنشا ۆەدومستۆوارالىق كوميسسياسىنىڭ وتىرىسىن وتكىزۋ جوسپارلانىپ وتىر"، - دەدى مينيستر.
ەسكە سالسا كەتسەك، قازاقستاندىق شارۋالار قويمالارداعى پياز ءشىرىپ جاتقانىنا شاعىمدانىپ، تىيىمدى الىپ تاستاۋدى سۇرادى.