رەيستەرگە قاتىستى مالىمەتتەردى سايتتان تەكسەرۋگە بولادى
بۇگىن، 26 ماۋسىمدا الماتىدان تاشكەنتكە، نۇر-Cۇلتانعا، اقتاۋعا جانە وسى باعىتتار بويىنشا كەرى قارايعى رەيستەر كەشىكتىرىلەدى، دەپ حابارلايدى Almaty-akshamy.kz كومپانيانىڭ باسپا ءسوز قىزمەتىنە سىلتەمە جاساپ.
«كس 127/128 الماتى-تاشكەنت-الماتى، KC 953/954 الماتى-نۇر-سۇلتان-الماتى جانە كس 859/860 الماتى-اقتاۋ-الماتى رەيستەرىنىڭ كەشىگەدى دەپ كۇتىلەدى. رەيستەردىڭ كەشىگۋ ۋاقىتىنىڭ ورتاشا ۇزاقتىعى شامامەن ءۇش ساعاتتى قۇرايدى»، – دەدى Air Astana اۋە كومپانياسى.
جاقىن رەيستەرگە قاتىستى مالىمەتتەردى سايتتان تەكسەرۋگە بولادى. سونداي-اق جازعى ناۆيگاسيا كەزەڭىنىڭ باستالۋىنا جانە كوۆيدتىك شەكتەۋلەردىڭ جويىلۋىنا بايلانىستى جولاۋشىلار اعىنى ارتقانى ايتىلادى. الايدا حالىقارالىق اۋەجايلاردا پەرسونالدىڭ جانە جابدىقتاردىڭ جەتىسپەۋشىلىگى پروبلەماسى شيەلەنىسە تۇسۋدە. سونىڭ سالدارىنان الەمنىڭ كوپتەگەن اۋە كومپانيالارىندا ۇقىپتىلىق كورسەتكىشتەرىنىڭ تومەندەۋى بايقالادى.
«اۋە كومپانيا كەسىرىنەن جولاۋشى بارار جەرىنە كەشىكسە ءارى كومپانيا مۇنىڭ باسقا سەبەبىن دالەلدەي الماسا، سوڭعىسى ءار كەشىككەن ساعات ءۇشىن بيلەت (كىدىرىس بولعان ۇشۋ ۋچاسكەسى) قۇنىنىڭ 3 پايىزى مولشەرىندە جولاۋشىعا ايىپپۇل تولەيدى. ءوندىرىپ الىنعان ايىپپۇل سوماسى ساتىپ الىنعان بيلەتتىڭ (كىدىرىس بولعان ۇشۋ ۋچاسكەسىنىڭ) قۇنىنان اسپاۋعا ءتيىس»، – دەدى Air Astana اۋە كومپانياسىنىڭ باسپا ءسوز قىزمەتى.