27 ماۋسىمعا ارنالعان اۋا رايى بولجامى

دۇيسەنبىدە ەلدىڭ باسىم بولىگىندە نايزاعاي، جاڭبىر كۇتىلەدى

اتموسفەرالىق فرونتالدى بولىكتەردىڭ اسەرىنەن 27 ماۋسىم كۇنى قازاقستاننىڭ باسىم بولىگىندە قۇبىلمالى كۇن رايى ساقتالادى: نايزاعاي ويناپ، جاڭبىر جاۋادى، سولتۇستىكتە، شىعىستا، وڭتۇستىكتە بۇرشاق، داۋىل، وڭتۇستىك-باتىستا شاڭدى داۋىل كۇتىلەدى. رەسپۋبليكا بويىنشا ەكپىندى جەل تۇرادى، دەپ حابارلايدى Almaty-akshamy.kz قازگيدرومەتكە سىلتەمە جاساپ.

كۇندىز شىعىس قازاقستان، اباي، قىزىلوردا وبلىستارىنىڭ باسىم بولىگىندە، قاراعاندى وبلىسىنىڭ وڭتۇستىگىندە قاتتى ىستىق ساقتالادى. 

كۇندىز الماتى وبلىسىنىڭ باتىسىندا، جەتىسۋ وبلىسىنىڭ سولتۇستىگىندە، شىعىسىندا، جامبىل وبلىسىنىڭ باتىسىندا، سولتۇستىگىندە، ماڭعىستاۋ وبلىسىنىڭ وڭتۇستىگىندە، تۇركىستان وبلىسىنىڭ ءشولدى اۋداندارىندا وتە قاتتى ىستىق ساقتالادى.

قىزىلوردا وبلىسىنىڭ باسىم بولىگىندە، الماتى، اباي وبلىستارىنىڭ باتىسىندا، باتىس قازاقستان وبلىسىنىڭ شىعىسىندا، اتىراۋ وبلىسىنىڭ سولتۇستىك-باتىسىندا، اقتوبە وبلىسىنىڭ وڭتۇستىگىندە، شىعىسىندا، ۇلىتاۋ وبلىسىنىڭ وڭتۇستىك-باتىسىندا، جامبىل وبلىسىنىڭ وڭتۇستىك-شىعىسىندا، پاۆلودار وبلىسىنىڭ ورتالىعىندا توتەنشە ءورت ءقاۋپى ساقتالادى.