وزبەكستاندا ءۇندىستاندىق ءوندىرۋشى Marion Biotech سيروپىن قابىلداعان 19 بالا قايتىس بولعان
وزبەكستان دەنساۋلىق ساقتاۋ مينيسترلىگىنە قاراستى فارماسيەۆتيكا ونەركاسىبىن دامىتۋ اگەنتتىگىنىڭ قىزمەتكەرلەرى ەلشىلىك قىزمەتكەرلەرىنە دارىلەر پارتياسىندا ەتيلەنگليكول بار ەكەنى تۋرالى حابارلادى. بۇل رۇقسات ەتىلگەن دەڭگەيدەن 300 ەسە جوعارى.
سوت وتىرىسىندا انىقتالعانداي، 2022 جىلدىڭ قىركۇيەك-جەلتوقسان ايلارى ارالىعىندا سامارقاند وبلىسىنىڭ بالالار كوپسالالى مەديسينالىق ورتالىعىنا 6 جاسقا دەيىنگى جەدەل بۇيرەك جەتكىلىكسىزدىگىمەن 21 ناۋقاس بالا تۇسكەن، 15-ى-ۇشكە دە تولماعان بالالار. ناتيجەسىندە ءۇش بالا ەمدەلىپ، ۇيلەرىنە جىبەرىلسە، قالعان 18ء-ى قايتىس بولعانىن ەسكە سالامىز.
كۇنى كەشە تاعى ءبىر بالانىڭ جرۆي-عا قارسى ۇندىلىك دارىدەن ۋلانعانى بەلگىلى بولدى. جوتەلگە ارنالعان ءشارباتتى ىشكەن بالا جانساقتاۋ بولىمىنە جەتكىزىلدى. قابىلداۋ-دياگنوستيكا بولىمىندە انامنەز جازىلدى. جاعداي 2022 جىلدىڭ 28 جەلتوقسانىندا بولعان.
سونىمەن رەسمي مالىمەتتەر بويىنشا، وزبەكستاندا ءۇندىستاندىق ءوندىرۋشى Marion Biotech سيروپىن قابىلداعان 19 بالانىڭ قايتىس بولعانى راستالدى (دارى-دارمەكتى Quramax وزبەكستانعا يمپورتتاعان).
وزبەكستاننىڭ جاڭا دەنساۋلىق ساقتاۋ ءمينيسترى امريللو ينوياتوۆ ءدارىحانالارعا جازعان حاتىندا 2022 جىلى Quramax كومپانياسى اكەلگەن بارلىق دارى-دارمەكتەردى ساتۋدى توقتاتۋدى تاپسىردى. سونداي-اق، تاشكەنت قالالىق سوتىنا "دوك-1 ماكس" پەن امبرونول" پرەپاراتتارىنىڭ سەرتيفيكاتتارىنىڭ كۇشىن جويۋ تۋرالى تالاپ ارىز بەرگەنىن ەسكە سالامىز.