امەريكاندىق APEX قاۋىمداستىعى (Airline Passenger Experience Association) ەڭ جوعارى رەيتينگى بار Triplt تۋريستىك قوسىمشاسىمەن بىرگە Air Astana اۋەكومپانياسىن «ورتالىق ازياداعى ەڭ جاقسى ويىن-ساۋىق جۇيەسى جانە بورتتىق تاعامدار مەن سۋسىندار» نوميناسياسىندا ماراپاتتادى. ماراپاتتاۋ ءراسىمى 2022 جىلدىڭ 8 ماۋسىمىندا دۋبليندە ءوتتى، دەپ حابارلايدى اlmaty-akshamy.kz.
قوسىمشا بۇكىل الەم بويىنشا 600 اۋە كومپانياسىنىڭ ميلليوننان استام رەيسىن قامتيتىن جولاۋشىلارعا تاۋەلسىز پىكىرلەرىن جينادى. جولاۋشىلار اۋەتاسىمالداۋشىلاردى بەس بالدى شكالا بويىنشا 5 پارامەتر بويىنشا باعالادى: كرەسلولار جايلىلىعى، بورتتاعى قىزمەت كورسەتۋ، تاماق پەن سۋسىندار، ويىن-ساۋىق جۇيەسى جانە wi-fi قىزمەتى.
ەلەنا وبۋحوۆا، Air Astana بورتتىق قىزمەت كورسەتۋ جونىندەگى ۆيسە-پرەزيدەنتى: «بەدەلدى APEX سىيلىعىن الۋ ءبىزدىڭ اۋەكومپانيانىڭ ۇزدىكسىز جەتىلۋ مەن دامۋعا دەگەن ۇمتىلىسىن كورسەتەدى. جولاۋشىلار رەيتينگىنىڭ تاۋەلسىزدىگى ماراپاتقا ودان دا كوپ ءمان بەرەدى جانە ءبىز ولاردىڭ پىكىرلەرى ءۇشىن العىس ايتامىز».
APEX – اۋە كولىگىندەگى قىزمەت كورسەتۋ ساپاسىن زەرتتەۋگە جانە جاقسارتۋعا ارنالعان حالىقارالىق كوممەرسيالىق ەمەس ۇيىم. APEX سىيلىعىن تاۋەلسىز اۋديتورلىق كومپانيا سەرتيفيكاتتايدى. 2018 جىل مەن 2020 جىل اراسىندا «ەير استانا» «ءىرى اۋەكومپانيالار» ساناتىنداعى 5 جۇلدىزدى APEX سىيلىعىمەن ءۇش رەت ماراپاتتالدى.