بۇل تۋرالى وكق بريفينگىندە الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ مالىمدەدى، دەپ حابارلايدى Almaty-akshamy.kz.
«Almaty Business» وڭىرلىك باعدارلاماسى اياسىندا «Jana Business» جاڭا قوسالقى ءونىمى 7% ورنىنا 6% جەڭىلدەتىلگەن نەسيە بويىنشا ەڭ جوعارى مولشەرلەمە بولادى. شارتقا سايكەس، نەسيەلەۋ سوماسى 100 ملن تەڭگە، 7 جىل مەرزىمگە بەرىلەدى.
«باعدارلامانىڭ تاعى ءبىر جاڭاشىلدىعى ونەركاسىپ پاركتەرى سۋبەكتىلەرىنە جىلدىق 6%-بەن، 500 ملن تەڭگەگە دەيىن، 7 جىلعا دەيىنگى مەرزىمگە نەسيە الۋ مۇمكىندىگىن بەرۋ»، - دەدى بەرىك سولتانبايەۆ.
ءتيىستى باسقارمانىڭ باسشىسى «الماتى بيزنەس – 2025» وڭىرلىك باعدارلاماسى اياسىندا 2023 جىلدىڭ العاشقى 6 ايىندا 88 جوبا قارجىلاندىرىلىپ، 707 جۇمىس ورنىنىڭ قۇرىلعانىن اتاپ ءوتتى.