وقۋ-اعارتۋ ۆيسە-مينيسترى ا. ءىلياسوۆ مەكتەپتەردى ەلەكتروندىق وقۋلىقتارمەن قامتاماسىز ەتۋ جونىندەگى احۋال جانە وسى باعىتتى ودان ءارى دامىتۋ بويىنشا جوسپارلانعان شارالار تۋرالى باياندادى.
قازاقستان رەسپۋبليكاسى پرەمەر-مينيسترىنىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى ت. دۇيسەنوۆانىڭ توراعالىعىمەن وقۋ پروسەسىندە ەلەكتروندىق وقۋلىقتاردى پايدالانۋ جونىندە كەڭەس ءوتتى، دەپ حابارلايدى Almaty-akshamy.kz.
باسپالار مەن IT-كومپانيالاردىڭ وكىلدەرى ەلەكتروندىق وقۋلىقتار مەن ءبىلىم بەرۋ پلاتفورمالارى سالاسىنداعى سوڭعى ازىرلەمەلەرىن ۇسىندى.
كەڭەسكە قاتىسۋشىلار ەلەكتروندىق رەسۋرستاردىڭ الەۋەتىن جانە ولاردى ءبىلىم بەرۋ پروسەسىن جەتىلدىرۋ ءۇشىن پايدالانۋ مۇمكىندىكتەرىن تالقىلادى.
بۇل رەتتە پەداگوگتارعا ەلەكتروندىق رەسۋرستاردى تاڭداۋ قۇقىعى بەرىلۋگە ءتيىس ەكەنى ايتىلدى.
كەڭەستى قورىتىندىلاي كەلە، پرەمەر-مينيستردىڭ ورىنباسارى – ەڭبەك جانە الەۋمەتتىك قورعاۋ ءمينيسترى:
- مەكتەپتەردى ەلەكتروندىق وقۋلىقتارمەن جانە سيفرلىق ءبىلىم بەرۋ رەسۋرستارىمەن قامتاماسىز ەتۋ تەتىكتەرىن ازىرلەۋ،
- وقۋ ماتەريالدارىن سيفرلىق فورماتقا كوشىرۋ جانە ولاردى وقۋ پروسەسىندە قولدانۋ جونىندە ءبىرقاتار تاپسىرما بەردى.