اۋىل اكىمدەرىن پارا بەرۋگە يتەرمەلەگەن انتيكور قىزمەتكەرلەرى انىقتالدى.
سىبايلاس جەمقورلىققا قارسى كۇرەس قىزمەتكەرلەرى تۇركىستان وبلىسىنىڭ اۋىل اكىمدەرىنەن پارا الدى دەگەن كۇدىككە ءىلىندى، دەپ حابارلايدى Almaty-akshamy.kz. Tengrinews.kz -كە سىلتەمە جاساپ.
«سىبايلاس جەمقورلىققا قارسى كۇرەس قىزمەتىنىڭ وكىلدەرى تۇركىستان وبلىسى جەتىساي اۋدانىنىڭ اكىمدىگىن تەكسەرىپ، اۋىلدىق وكرۋگتەردىڭ اكىمدەرىن قىلمىستىق جاۋاپكەرشىلىككە تارتۋمەن قورقىتىپ، ولاردان اقشالاي قاراجات تالاپ ەتكەن. ولاردىڭ تۇراقتى تۇردەگى تالاپتارىنان كەيىن اكىمشىلىك جۇمىسكەرلەرى تەكسەرۋشىلەرگە تەكسەرىستىڭ وڭ شەشىلۋى ءۇشىن 400-مىڭنان 630-مىڭ تەڭگەگە دەيىنگى قاراجات بەرىپ، پارا بەرۋ دەرەگى بويىنشا ۇستالعان»، - دەلىنگەن حابارلامادا.
جەتى اۋىلدىق وكرۋگتىڭ اكىمدەرى مەن اكىمشىلىكتىڭ ءبىر ەسەپشىسى سوتتارمەن ءارتۇرلى مەرزىمگە باس بوستاندىقتارىنان ايىرۋ جانە ايىپپۇل تۇرىندەگى جازالارعا تارتىلعان. كەيىن باس پروكۋروردىڭ نارازىلىعىمەن جوعارعى سوت ولاردى تولىعىمەن اقتاپ، سىبايلاس جەمقورلىققا قارسى قىزمەتى وكىلدەرىنىڭ ىس-ارەكەتتەرىندە تىكەلەي ارانداتۋشىلىق بار ەكەنىن انىقتاعان.
«ءوز كەزەگىندە، ەكى جەدەل وكىلگە قاتىستى قىلمىستىق كودەكتىڭ 362-بابى 4-بولىگىمەن (بيلiكتi جانە لاۋازىمدىق وكiلەتتiكتەردى اسىرا پايدالانۋ) سوتقا دەيىنگى تەرگەپ-تەكسەرۋ باستالعان. تەرگەپ-تەكسەرۋدى باس پروكۋراتۋرانىڭ ارنايى پروكۋرورى جۇرگىزىپ، كىنالارىن تولىعىمەن دالەلدەپ، قىلمىستىق ءىس سوتقا جولدانعان. تۇركىستان وبلىسى جەتىساي اۋداندىق سوتىنىڭ 2023 جىلعى 26 قاڭتارداعى ۇكىمىمەن اۋىر ساناتتاعى لاۋازىمدىق قىلمىس جاساعاندارى ءۇشىن سىبايلاس جەمقورلىققا قارسى قىزمەتىنىڭ بۇرىنعى ەكى جەدەل وكىلى ارنايى شەندەرىنەن ايىرىلىپ، ءارقايسىسى التى جىلعا باس بوستاندىقتارىنان ايىرۋ جازاسىنا تارتىلدى. جابىرلەنۋشىلەردىڭ پايداسىنا مورالدىق زالال ءوندىرىلدى»، - دەلىنگەن حابارلامادا.
ۇكىمگە سوتتالعاندار اپەللياسيالىق شاعىم ءتۇسىرىپ، زاڭدى كۇشىنە ەنبەگەنى اتاپ وتىلەدى.