قازاقستاندا تەمەكىگە تاۋەلدى جاندار كوبەيگەن.
ولاردىڭ سانىن دەنساۋلىق ساقتاۋ مينيسترلىگى اتادى، دەپ حابارلايدى Almaty-akshamy.kz
«ەرەسەك حالىقتىڭ 21،5 پايىزى، ياعني 2،8 ميلليون ادام، ونىڭ ىشىندە ەرلەردىڭ 38،3 پايىزى جانە ايەلدەردىڭ 6،4 پايىزى قازىرگى ۋاقىتتا تەمەكى شەگەدى»، - دەدى دەنساۋلىق ساقتاۋ مينيسترلىگىنىڭ وكىلدەرى.
سونداي-اق كامەلەتكە تولماعاندار اراسىنداعى شىلىم شەگۋ ستاتيستيكاسى دا تىلگە تيەك ەتىلدى.
«ۇلدار اراسىندا بۇل كورسەتكىش 10 پايىزعا جەتسە، قىزداردىڭ 6 پايىزى تەمەكى شەگەتىنى انىقتالدى. سونداي-اق ەلەكتروندى تەمەكىنى پايدالاناتىن جاسوسپىرىمدەردىڭ ۇلەسى ايتارلىقتاي ارتتى. ولاردى كوبىنەسە 13-15 جاس ارالىعىنداعى جاسوسپىرىمدەر شەگەدى»، - دەلىنگەن حابارلامادا.