ءۇش بالا اناسىز قالدى
تۇركىستان وبلىسىندا ەر ادام ايەلىن بۇرىنعى كۇيەۋىنەن قىزعانىپ، اتىپ تاستاعان، - دەپ حابارلايدى Almaty-akshamy.kz otyrar.kz-كە سىلتەمە جاساپ.
باسىلىم مالىمەتىنشە، تۇركىستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ازاماتتىق نەكەدەگى ايەلىن قىزعانىشتان ولتىرگەن 41 جاستاعى ەر ادامعا ۇكىم شىعارعان.
قايعىلى وقيعا ساۋران اۋدانىنىڭ قاراجون اۋىلىندا بولعان. تەرگەۋ ماتەريالدارىنا سايكەس، ايەل 34 جاستا بولعان. ونىڭ ازاماتتىق نەكەدەگى كۇيەۋى باسىنا 16 كاليبرلى مىلتىقتان وق اتقان. ايەل وقيعا ورنىندا قازا تاپقان.
سوتتا ول ايەلدى ولتىرگىسى كەلمەگەنىن، تەك قورقىتقىسى كەلگەنىن ايتقان. الايدا 2، 15 جانە 16 جاستاعى ءۇش بالا اناسىز قالدى.
ەر ادام 18 جىلعا ەڭ جوعارى قاۋىپسىزدىك كولونياسىندا جازاسىن وتەيدى. ۇكىم زاڭدى كۇشىنە ەنگەن.