ايەلدەردىڭ ۆاگوندارىنا شاعىم ءتۇسىپ جاتىر - قتج

ايەلدەر ۆاگونى جولاۋشىلار تاسىمالىنا سۇرانىس جوعارى كەزەڭدە بولمايدى

كەيبىر ەر ادامدار قازاقستان پويىزدارىندا ايەلدەر ۆاگوندارىنىڭ پايدا بولۋىنا بايلانىستى شاعىمدانا باستاعان. بۇل تۋرالى "قازاقستان تەمىر جولى" جەتكىزدى،  دەپ حابارلايدى Almaty-akshamy.kz.

كومپانيا ايەلدەر ۆاگوندارى وتكەن جىلدىڭ كۇزىندە پيلوتتىق رەجيمدە ەنگىزىلگەنىن جانە قازاقستاننىڭ 3 وڭىرىندە 8 باعىت بويىنشا جۇزەگە اساتىنىن ەسكە سالدى.

«وكىنىشكە قاراي، وزدەرىنىڭ قۇقىقتارىنىڭ بۇزىلىپ جاتقانى تۋرالى شاعىم جازعان ەر ادامدار تابىلدى. ايەلدەر بۇل باستامانى وڭ قابىلدادى، ال ەر ادامدار وسىنداي باستامانى قولداۋى كەرەك ەدى.
وتە ۇزاق باعىتتار بار، ايەلدەر بالاسىن تاماقتاندىرۋ ءۇشىن قولايسىز جاعدايعا تاپ بولادى»، - دەدى قتج-نىڭ باق-پەن جۇمىس جونىندەگى دەپارتامەنتىنىڭ ديرەكتورى قايسار جۇماباي ۇلى.

ول ايەلدەر ۆاگوندارى جولاۋشىلار تاسىمالىنا سۇرانىس جوعارى كەزەڭدە بولمايتىنىن جەتكىزدى.

ايتا كەتەيىك، قازىرگى ۋاقىتتا ايەلدەر ۆاگوندارى الماتى - ماڭعىستاۋ، الماتى-وسكەمەن، الماتى - اقتوبە، نۇر-سۇلتان - شىمكەنت جانە نۇر-سۇلتان - اتىراۋ باعىتتارى بويىنشا جۇرەدى.