ايەلدەردىڭ ءومىر ءسۇرۋ ۇزاقتىعى 78،4 جاستى قۇرادى
ايەلدەردىڭ ءومىر ءسۇرۋ ۇزاقتىعى ەرلەرگە قاراعاندا 8 جىلعا كوپ. Almaty-akshamy.kz بۇل تۋرالى ۇلتتىق ستاتيستيكا بيۋروسىنا سىلتەمە جاساپ حابارلايدى.
2022 جىلى حالىقتىڭ ءومىر ءسۇرۋ ۇزاقتىعى 74،4 جاستى قۇرادى. كورسەتكىش ءبىر جىلدا 4،2 جاسقا ارتتى. 2020-2021 جىلدارى ءومىر ءسۇرۋ ۇزاقتىعى كوپ جىلعى وسىمنەن كەيىن العاش رەت تومەندەگەن بولاتىن، تيىسىنشە – 71،3 جانە 70،2 جاس.
گەندەرلىك تۇرعىدان العاندا ايەلدەردىڭ ءومىر ءسۇرۋ ۇزاقتىعى 78،4 جاستى قۇرادى، 2021 جىل 74 جاس بولعان. ال ەرلەر اراسىندا بۇل كورسەتكىش 70،2 جاسقا دەيىن ءوستى، بۇعان دەيىن سوڭعى 5 جىلدا 68،8 جاس دەڭگەيىنەن كوتەرىلمەگەن ەدى.
وڭىرلىك بولىنىستە الماتى قالاسىندا ءومىر ءسۇرۋ ۇزاقتىعى ەڭ جوعارى – 77،3 جاس، ەڭ تومەنى ۇلىتاۋ وبلىسىندا – 71،4 جاس.