BI Group ديرەكتورلار كەڭەسىنىڭ ءتوراعاسى ايدىن راحيمبايەۆ كومپانيانىڭ سالىق سالىناتىن كىرىستەرىن تومەندەتكەنى تۋرالى باق-تا تاراعان اقپاراتتىڭ قاتە تۇسىندىرىلگەنىن مالىمدەدى. ونىڭ ايتۋىنشا، سالىق ماسەلەلەرى نەگىزىنەن BI Group-تان تولەم الاتىن جانە ارنايى سالىق رەجيمىن قولداناتىن مەردىگەرلەرگە قاتىستى، دەپ حابارلايدى aqshamnews.kz
«باق-تا ايتىلعان 11،9 ملرد تەڭگە دۇرىس تۇسىندىرىلمەگەن: بۇل – تولەنبەگەن سالىق ەمەس، BI-مەن جۇمىس ىستەيتىن جۇزدەگەن شاعىن كومپانيالاردىڭ جالپى اينالىمى. وسى اينالىمنان سالىقتار ەسەپتەلۋى ءتيىس. ال بۇل مۇلدەم باسقا سوما»، – دەپ جازدى ايدىن راحيمبايەۆ Facebook پاراقشاسىندا.
سونىمەن قاتار، راحيمبايەۆ وتكەن اپتادا قارجى مينيسترلىگى مەن ۇكىمەتتە قۇرىلىس سالاسىنداعى ماسەلەلەردى تالقىلاعان ءبىرقاتار كەزدەسۋلەر وتكەنىن اتاپ ءوتتى. ول الداعى كۇندەرى رەسمي تۇسىندىرمە بەرىلۋى جوسپارلانىپ وتىرعانىن ايتتى.