قاباتوۆتىڭ سوڭىن الا تانىمال پروديۋسەر گۇلزيرا ايداربەكوۆا دا ۇشاقتا شۋ شىعارىپ، بورتسەرىكپەن كيكىلجىڭگە كەلىپ قالدى، دەپ حابارلايدى اlmaty-akshamy.kz.
گۇلزيرا ايداربەكوۆا Instagram پاراقشاسىندا ءوزىنىڭ ۇشاقتاعى جاعدايىن باياندادى. ول ەلگە امان-ەسەن ورالۋىنا قۋانىپ وتىرعانىن، ءبىراق ۇشاقتا بولعان كەلەڭسىز وقيعا ونى اشۋلاندىرعانىن ايتتى.
"ەلگە ۇشىپ كەلەمىن. وتباسىمىزعا امان-ەسەن ورالايىق! قاتتى قۋانىپ كەلە جاتىرمىن. ەلگە ساعىنىپ جەتەمىن. قىدىرعان جاقسى، ۇيىڭدە بولعان ودان دا جاقسى. ۇشاقتا ادام از ەكەن. جاڭا ۇيىقتايمىن دەپ وتىر ەدىم. بوردسەرىك قىزبەن ۇرىسىپ قالدىم. نەگە دەيسىزدەر مە؟ مەن ودان ەكى ءتۇرلى ءدام سۇرادىم. ءبىرى – سيىر ەتى، ەكىنشىسى اششى «تاۋىق ەتى». «بىزدە ول قالمادى، ءبىتىپ قالدى» دەپ تۇر. ۇشاقتا ادام از. قالاي ءبىتىپ قالادى؟! تۇسىنىكسىز. ءبىز نە ءۇشىن بيزنەس كلاسپەن ۇشامىز؟! قازاقستاندا دا وسىنداي ماسەلە الدىڭنان شىعا بەرەدى. نەگىزى اش تا ەمەسپىن. ويتكەنى ۇيگە بارعان سايىن كەلىندەرىم سۇرلەنگەن ەتىن اسىپ، كۇتىپ الادى. سوندا دا بۇلاردىڭ تىرلىكتەرىنە تاڭعالدىم، اشۋلاندىم. اقشانى العاندا بالەدەي وزدەرى. وسى ۇشاققا مىسالى ءۇشىن، 455 مىڭعا بيلەت الدىم. ەندى سونى قالايشا رەتتەمەيدى بۇلار؟! سول اقشانىڭ ىشىنە تاماقتى نەگە كىرگىزبەيدى؟ بۇلاردىكى مۇلدەم دۇرىس ەمەس،" – دەپ جازدى گۇلزيرا ۇسەن قىزى.
ول ءسوزىن ءتۇسىنىپ، كەشىرىم سۇراعانىن دا ايتىپ ءوتتى.
ەسكە سالا كەتسەك، بۇعان دەيىن تۇرسىنبەكتىڭ ۇشاقتاعى ارەكەتى ءۇشىن قاماۋعا الىنعانى جايىندا جازعان بولاتىنبىز.