جىل باسىندا قازاقستاندا 20 033 842 ادام بولعان. قازاقستان حالقى ءار ايدا ورتا ەسەپپەن 20 مىڭ ادامعا كوبەيۋدە. ءار كۇن سايىن ەل تۇرعىندارىنىڭ سانى ورتا ەسەپپەن 667-668 ادامعا ارتۋدا. وسىلايشا، بەس ايدا قازاقستاندىقتاردىڭ سانى 100 مىڭنان استام ادامعا ارتتى، دەپ حابارلايدى اlmaty-akshamy.kz.
كورشى وزبەك ەلى جىل باسىنان بەرى 163 500 بالا دۇنيەگە كەلگەن. وزبەكستان حالقى 2024 جىلدىڭ ءار ايىندا ورتا ەسەپپەن 54،5 مىڭ ادامعا كوبەيگەن. 2024 جىلدا ءار كۇن سايىن تۇراقتى تۇرعىندارىنىڭ سانى ورتا ەسەپپەن 1،8 مىڭ ادامعا ارتىپ وتىر.
ەلىمىزدىڭ ەڭ تىعىز قونىستانعان وڭىرلەردىڭ بەستىگىنە مىنالار كىرەدى:
1. الماتى – 2 253 502 ادام
2. تۇركىستان وبلىسى – 2 149 210 ادام
3. الماتى وبلىسى – 1 543 588 ادام
4. استانا – 1 464 415 ادام
5. شىمكەنت – 1 236 901 ادام
بۇل وڭىرلەردەگى حالىقتىڭ تىعىزدىعى ەكونوميكالىق جانە الەۋمەتتىك دامۋ كورسەتكىشتەرىمەن تىعىز بايلانىستى، سونداي-اق حالىقتىڭ تۇرمىس دەڭگەيىن ارتتىرۋعا باعىتتالعان مەملەكەتتىك باعدارلامالار دا ءوز اسەرىن تيگىزۋدە.