ايىلىن جيمايتىن الاياقتار

سۋ تاسقىنىنىن دا پايدالانىپ جاتىر.

سول سەبەپتى پوليسەيلەر حالىقتى تەك رەسمي اقپاراتتارعا عانا سەنۋگە شاقىرادى، دەپ حابارلايدى Almaty-akshamy.kz

"سوڭعى ۋاقىتتا سۋ تاسقىنىنان زارداپ شەككەن ادامداردىڭ بانكتىك كارتالارىنىڭ نومىرلەرى جانە كومەك سۇراۋ تۋرالى وتىنىشتەرى كورسەتىلگەن حابارلاندىرۋلار تاراپ كەتتى. ولاردىڭ بارلىعىن كوپتەگەن تۇرعىندار كوردى. كيبەرقىلمىسقا قارسى كۇرەس ءبولىمىنىڭ قىزمەتكەرلەرى وسىنداي حابارلاندىرۋلاردى، ناقتىراق ايتقاندا، سۋرەتتە، ماتىندە كورسەتىلگەن ادامدار جايلى، ولاردىڭ ەسەپشوتتارى تۋرالى مالىمەتتەردىڭ شىنايىلىعىن ءجىتى تەكسەرەدى. ءۇش كۇن ىشىندە التى ۇلكەن چاتتا 50-گە تارتا جالعان حابارلاندىرۋ انىقتالدى. ولاردىڭ اراسىنداعى كومەك تۋرالى ءار ءۇشىنشى حابارلاندىرۋ جالعان بولىپ شىقتى. حابارلاندىرۋلار جويىلدى، اۆتورلاردىڭ چاتتارداعى نومىرلەرى بۇعاتتالدى"، – دەيدى سقو پد كريمينالدىق پوليسيا باسقارماسىنىڭ باستىعى يۆان تەرزيدي.

وسى سەبەپتەن دە، پوليسەيلەر قارجىلىق سۇراقتارمەن بايلانىستى كەز كەلگەن اقپاراتتىڭ شىنايىلىعىنا كوز جەتكىزۋگە جانە بارىنشا ساق بولۋعا كەڭەس بەرەدى.

مۇنداي جالعان اقپارات تاراتۋ تۋرالى فاكتىلەرى ءتىپتى لاۋازىمدى تۇلعالاردىڭ اتىنان دا جاسالعان.

قازاقستان رەسپۋبليكاسى پرەمەر-مينيسترى - ولجاس بەكتەنوۆ؛

تۇركىستان وبلىسى اكىمى - دارحان ساتىبالدى؛

الماتى وبلىسى اكىمى - مارات سۇلتانعازييەۆ؛

قازاقستاننىڭ مادەنيەت جانە اقپارات ءمينيسترى - ايدا بالايەۆا.