ايازدىڭ اسەرىنەن كولىكتە ءورت تۋىنداۋى مۇمكىن

جىل باسىنان بەرى ەلىمىزدە كولىك قۇرالدارىندا 2 014 ءورت تىركەلدى.

اۋا تەمپەراتۋراسىنىڭ تومەندەۋىنە بايلانىستى اۆتوكولىكتە ءورتتىڭ تۋىنداۋ ءقاۋپى ارتادى. جۇرگىزۋشىلەر كولىكتەرىن جىلىتقان كەزدە ءاردايىم ءقاۋىپسىز قۇرالداردى پايدالانا بەرمەيدى. اۆتوكولىكتەردىڭ ەلەكتر جابدىقتارىنىڭ جاعدايىنا ەرەكشە نازار اۋدارۋ كەرەك. ال قوسىمشا جابدىقتى تەك بىلىكتى ماماندارعا ورناتقىزعان ءجون.

كولىك قۇرالدارىندا ورتتەردىڭ پايدا بولۋىنىڭ نەگىزگى سەبەپتەرى اۆتوكولىك قۇرالىنىڭ ەلەكتر جابدىعىن ورناتۋ جانە پايدالانۋ قاعيدالارىن بۇزۋ؛ گاز جابدىعىن ورناتۋ؛ وتىن جانە ەلەكتر جۇيەسىنىڭ اقاۋى؛ قوزعالتقىشتاردى اشىق وت كوزدەرىمەن جىلىتۋ بولىپ تابىلادى.

كولىكتە ءورت قاۋىپسىزدىگىن قامتاماسىز ەتۋ ماقساتىندا تجم بولىمشەلەرى بارلىق جەردە پروفيلاكتيكالىق جۇمىستار جۇرگىزۋدە.

بۇل «گازباللون» پروفيلاكتيكالىق ءىس-شاراسى، اۆتوجولدار مەن پاركينگتەردەگى رەيدتىك ءىس-شارالار، جيىندار، دوڭگەلەك ۇستەلدەر جانە باسقالار. جىل باسىنان بەرى اۆتوكولىكتە پايدالانۋ كەزىندە گاز باللوندى جابدىقتاردىڭ قاۋىپسىزدىك تالاپتارىن تۇسىندىرە وتىرىپ، كوپ قاباتتى تۇرعىن ۇيلەردىڭ تۇرعىندارىمەن 638 رەيد، 379 جيىن وتكىزىلدى.

ۇيىم باسشىلارىمەن 46 دوڭگەلەك ۇستەل ۇيىمداستىرىلدى. 10 مىڭعا جۋىق ادام جانە 6 مىڭنان استام جۇرگىزۋشى ءتۇسىندىرۋ جۇمىستارىمەن قامتىلدى.

تجم كولىكتە ءورتتىڭ الدىن الۋ ءۇشىن ازاماتتاردى ءورت قاۋىپسىزدىگى ەرەجەلەرىن ساقتاۋعا شاقىرادى:

- سۋىق مەزگىلدە قوزعالتقىشتى جىلىتۋ ءۇشىن اشىق وت كوزدەرىن پايدالانباڭىزدار جانە ماشينادا ەلەكتر جابدىقتارىن ءوز بەتىنشە جوندەمەڭىزدەر؛

- كولىكتىڭ سىمدارى مەن جانارماي جۇيەلەرىن مۇمكىندىگىنشە ءجيى تەكسەرىڭىزدەر؛

- اۆتوكولىكتى ءوز بەتىنشە جوندەۋ جانە پايدالانۋ كەزىندە قاۋىپسىزدىك تەحنيكاسىنىڭ قاراپايىم ەرەجەلەرىن ساقتاڭىزدار؛

- ەگەر سىزدەر جولدا بىقسىعان ءيىستى سەزسەڭىزدەر، دەرەۋ توقتاپ، وتتىقتى، مۇمكىن بولسا، اككۋمۋلياتوردى دا وشىرۋىڭىزدەر؛

- ءورتتى باستاپقى كەزەڭدە سوندىرگىشپەن سوندىرۋگە تىرىسىڭىزدار؛

- ءورت كەزىندە «101» نەمەسە «112» تەلەفوندارى ارقىلى حابارلاڭىزدار، وقيعا ورنىنىڭ ناقتى مەكەنجايىن كورسەتىڭىزدەر جانە ءورت سوندىرۋشىلەردىڭ كەلۋىن كۇتىڭىزدەر.