تاۋەلسىزدىك قۇرداستارى

ەل تاۋەلسىزدىگىنىڭ قۇرداسى بولۋ مەن ءۇشىن ۇلكەن مارتەبە - بەكماحانبەت ابىشيەۆ

1991 جىلى تۋعان بالالار ەلىمىزدىڭ تاۋەلسىزدىگىمەن بىرگە دۇنيەگە كەلدى. بۇگىندە ولاردىڭ جاسى 32 جاسقا تولىپ جەتتى. قازىرگى ۋاقىتتا ولار ءتۇرلى ماماندىقتاردى يگەرىپ، ەلىمىزدىڭ دامۋىنا ۇلەس قوسۋدا. ولاردىڭ قاتارىندا قاراعاندى قالاسىنداعى №7 ءورت ءسوندىرۋ ءبولىمىنىڭ قاراۋىل باستىعى بەكماحانبەت ابىشيەۆ تە بار، دەپ حابارلايدى almaty-akshamy.kz قاراعاندى وبلىسى تجد باسپا ءسوز قىزمەتىنە سىلتەمە جاساپ.

تاۋەلسىزدىكتىڭ قۇرداسى بەكماحانبەت ابىشيەۆ بالا كەزىنەن ءورت ءسوندىرۋشى بولۋدى ارمانداعان. سول ارمانىنا قول جەتكىزۋ ءۇشىن مەكتەپتى ءتامامداعان سوڭ، كوكشەتاۋ قالاسىنداعى تەحنيكالىق ينستيتۋتقا وقۋعا ءتۇستى.

بەكماحانبەت 2012 جىلدان باستاپ توتەنشە جاعدايلار جۇيەسىندە جۇمىس ىستەيدى. 2017 جىلدان باستاپ №7 ءورت ءسوندىرۋ ءبولىمىنىڭ قاراۋىل باستىعى قىزمەتىن اتقارادى.

«قانشا ءقاۋىپتى ماماندىق بولعانىمەن، ءوزىم تاڭداپ العان ماماندىعىم وزىمە ۇنايدى. ويتكەنى، تاۋەلسىز ەلىمىزدە ءورت ءسوندىرۋ سالاسىن دامىتۋعا مەملەكەت تاراپىنان بارلىق جاعداي جاسالعان. قازىرگى زامانعى تەحنيكالار مەن قۇرال-جابدىقتار ءورتتى دەر كەزىندە اۋىزدىقتاپ، سوندىرۋگە مۇمكىندىك بەرەدى. مۇنىڭ ءبارى ەل تاۋەلسىزدىگىنىڭ ارقاسىندا قول جەتكىزگەن جەتىستىكتەر. سوندىقتان، مەن ءۇشىن ەكونوميكاسى قارىشتاپ دامىعان، ەگەمەن ەلدىڭ ۇلانى بولۋدان اسقان باقىت جوق»، -دەيدى بەكماحانبەت ابىشيەۆ.