2023 جىلدىڭ 12 جەلتوقسان ساعات 21.00-دەگى جاعداي بويىنشا قالا مەن تاۋلى ايماقتا12 مم جاۋىن-شاشىن نەمەسە 22-24 سم قار جاۋدى، بۇل ايلىق نورمانىڭ 28 %-ى
قار جاۋعان كۇننەن باستاپ جولدىڭ جۇرگىنشىلەر بولىگىنە كوكتايعاققا قارسى ماتەريالدار سەبىلۋدە.
تروتۋار، جالپى پايدالانۋ ورىندارى، قوعامدىق كولىك ايالدامالارى مەن جەر ءۇستى وتكەلدەرىن تازالاۋ جۇمىسى توقتاعان ەمەس.
تۇنگى ۋاقىتتا جول پوليسياسىنىڭ پاترۋلدىك ماشينالارىنىڭ سۇيەمەلدەۋىمەن قاردى تىرمالاپ تازالاۋعا 17 سىپىرۋ-جيناۋ ماشينالارى جولعا شىقتى. ساعات 00.00-دەن باستاپ كەزەكتى قاردى تىرمالاۋ جۇمىسى جوسپارلانعان.
ماگيسترالدى كوشەلەردەن قار شىعارۋ جۇمىستارى جۇرگىزىلۋدە.
44 جەدەل پاترۋلدىك بريگادا، 421 بىرلىك ارنايى تەحنيكا، ونىڭ ىشىندە 165 قۇم تاراتقىش، 481 جول جۇمىسشىسى جۇمىلدىرىلدى.
قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
"قازگيدرومەت" رمك-نىڭ بولجامى بويىنشا جاۋىن-شاشىن كۇتىلمەيدى.
تۇندە اۋا تەمپەراتۋراسى مينۋس 23...25 گرادۋس اياز بولادى.
وسىعان وراي كوممۋنالدىق قىزمەتتەردىڭ ۇزدىكسىز جۇمىسىن قامتاماسىز ەتۋ ماقساتىندا قالا تۇرعىندارىنان تۇسىنىستىكپەن قاراۋدى، مۇمكىندىگىنشە قالا بويىنشا قوزعالىستى شەكتەۋدى جانە اۆتوكولىكتى جول جيەگىنە قويماۋىن سۇرايمىز.
جەكە كولىكپەن ءجۇرۋدىڭ شۇعىل قاجەتتىلىگى بولماسا جۇرگىزۋشىلەرگە جىلدامدىقتى تومەندەتۋگە، تەجەگىشتى كۇرت باسپاۋعا، قاشىقتىقتى، بۇيىرلىك ارالىقتى جانە مانيەۆر جاساۋ ەرەجەلەرىن ساقتاۋعا شاقىرامىز.
جاياۋ جۇرگىنشىلەر تروتۋاردا جۇرگەندە اباي بولىپ، كوشەدە بەلگىلەنگەن جەرمەن عانا ءجۇرىپ، قارتتار مەن بالالارعا كومەك كورسەتۋ كەرەك.