قۇرمانبەك جۇماعالي ۇلتتىق كينونى قولداۋ مەملەكەتتىك ورتالىعىنىڭ باسقارما ءتوراعاسى قىزمەتىنە تاعايىندالدى، دەپ حابارلايدى almaty-akshamy.kz
قۇرمانبەك جۇماعالي «ۇلتتىق كينونى قولداۋ مەملەكەتتىك ورتالىعى» كەاق باسقارما ءتوراعاسى قىزمەتىنە تاعايىندالدى. مادەنيەت جانە سپورت ءمينيسترى اسحات ورالوۆ ۇجىمعا جاڭا باسشىنى تانىستىردى. ەسەتجان قوسۋبايەۆ اتقارعان قىزمەتىنەن بوساتىلدى.
قۇرمانبەك ءجۇماعاليدىڭ ماسس-مەديا جانە تەلەمەنەدجمەنت سالاسىندا 10 جىلعا جۋىق تاجىريبەسى بار. ەڭبەك جولىن «قازاقستان» تەلەارناسىندا رەداكتور بولىپ باستاعان، «حابار» اگەنتتىگىنىڭ جەتەكشى رەداكتورى، ءتىلشىسى. 2013-2018 جىلدارى قۇرمانبەك جۇماعالي قاراعاندى وبلىسى اكىمدىگىنىڭ باسپا ءسوز قىزمەتىنىڭ باسشىسى جانە ماڭعىستاۋ وبلىسى ىشكى ساياسات باسقارماسىنىڭ باسشىسى بولعان. 2018-2019 جىلدارى «قازاق راديولارى» ج ش س باسقاردى،««قازاقستان» رترك» اق باسقارما ءتوراعاسىنىڭ ءبىرىنشى ورىنباسارى بولدى. وسى ۋاقىتقا دەيىن «31» مەدياحولدينگىنىڭ باس ديرەكتورى بولىپ ەڭبەك ەتكەن.
ۇلتتىق كينونى قولداۋ جونىندەگى مەملەكەتتىك ورتالىق 2019 جىلى كينەماتوگرافيانى دامىتۋعا مەملەكەتتىك قاراجاتتى ءبولۋ جانە باسقا ەلدەردىڭ ۇلگىسى بويىنشا جەكە كينوكومپانيالاردى قولداۋ ءۇشىن قۇرىلعان. كينوورتالىقتا 2019-2022 جىلدار ارالىعىندا «دوس-مۇقاسان» لەنتاسىن قوسا العاندا، 14 فيلم پروكاتقا شىعارىلىپ، ولار جالپى پروكاتتان 503،2 ملن تەڭگە جينادى. «پاراليمپياداشى»، «سحەما»، «اعايىندىلار» جانە «مەرگەن» سياقتى كارتينالار حالىقارالىق كينوفەستيۆالدەردىڭ جۇلدەلەرىنە يە بولدى.
وتكەن جىلى ۇلتتىق فيلمدەر شىعارۋعا بولىنەتىن قاراجاتتى ءبولۋدىڭ جاڭا ءتاسىلى بەلگىلەندى: 70% تاريحي، پاتريوتتىق جانە يميدجدىك؛ 30% — جەكە كينوجوبالاردى، ونىڭ ىشىندە دەبيۋتتىك جوبالاردى بىرلەسىپ قارجىلاندىرۋ. سونىمەن قاتار، مەملەكەتتىك قارجىلىق قولداۋ الۋ ءۇشىن كينەماتوگرافيالىق قىزمەت سۋبەكتىلەرى مەن تالاپتارىنىڭ اۋقىمى كەڭەيتىلدى.
سونداي-اق، شەت تىلىندەگى فيلمدەردى قازاق تىلىنە دۋبلياجداۋ مكقو ارقىلى جۇزەگە اسىرىلادى. 2022 جىلى «اۆاتار» ءفيلمىنىڭ ءبىرىنشى ءبولىمى (2009 جىلعى رە-رەليز)، «قارا قابىلان. ۆاكاندا جاساسىن. سۋ جولى» جانە «اۆاتار» فيلمدەرى قازاق تىلىنە اۋدارىلعان كينوتاسپالار اراسىندا كاسسالىق جيىن بويىنشا رەكورد ورناتتى.