الماتى اۆتوبۋستارىنداعى احۋال
ايالدامادا اۆتوبۋس كۇتكەن جولاۋشىلاردىڭ ۆيدەوسى الەۋمەتتىك جەلىدە تارادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
قالا اكىمدىگى بەينەجازبادا رايىمبەك-اشىموۆ كوشەسىندەگى «№7 قالالىق اۋرۋحانا» ايالداماسى ەكەنىن ءمالىم ەتتى.
«الەۋمەتتىك جەلىدە تاراعان «№7 قالالىق اۋرۋحانا» ايالداماسى. بۇل جەرمەن كۇنىنە 263 بىرلىك قوعامدىق كولىك جۇرەدى. اتاپ ايتقاندا، № 18، 14، 15، 16، 23، 26، 27، 31، 47، 67، 78، 95، 102، 112، 115، 118، 128، 202. باعىت كەستەسىنىڭ بۇزىلۋى جولداعى كەپتەلىسپەن بايلانىستى بولادى. سونىمەن قاتار، كوشەلەردەگى جوندەۋ جۇمىستارى دا كەدەرگى كەلتىردى. ورتالىق ديسپەچەرلىك قىزمەت ءار باعىتتىڭ قوزعالىسىن باقىلايدى، اۋىتقۋلار بولعان جاعدايدا، ولار تاسىمالداۋشىعا شارا قولدانۋ تۋرالى ايتادى»،- دەپ حابارلادى اكىمدىكتەن.
جالپى، قالادا 2 مىڭعا جۋىق اۆتوبۋس بار.
«بۇگىندە اۆتوبۋس پاركتەرىندە جانارماي تاپشىلىعى جوق»، - دەپ ناقتىلادى اكىمدىكتەن.