ەنەرگەتيكا مينيسترلىگى اي-92 جانە اي-95 ماركالى اۆتوبەنزيندەر بويىنشا قازىرگى احۋالدى باياندادى، دەپ حابارلايدى Almaty-akshamy.kz.
ءقازىر اتىراۋ، پاۆلودار جانە شىمكەنت مۇناي وڭدەۋ زاۋىتتارى قالىپتى رەجيمدە جۇمىس ىستەپ تۇر جانە اي-92، اي-95 بەنزيندەرىن، ءوتىنىم بولعان كەزدە اي-98 بەنزيندەرىن وندىرۋدە.
«مۇناي بازالارىنداعى، جولداعى، وڭدەۋ زاۋىتتارىنداعى جانە اي-95 «پرەميالدى» اۆتوبەنزينىنىڭ يمپورتىنداعى كولەمدەرىنىڭ جيىنتىق قورى 36،5 مىڭ توننانى (ەلدىڭ 12 كۇندىك قاجەتتىلىگى) جانە اي-92 – 257،1 مىڭ توننانى (18 كۇن) قۇرايدى. ايتا كەتەيىك، ءبىر ليتر اي-92 اۆتوبەنزينىنىڭ شەكتى باعاسى مەملەكەتتىك باعا رەتتەۋگە بايلانىستى 205 تەڭگەدەن اسپاۋى ءتيىس»، - دەپ جازىلعان مينيسترلىك سايتىندا.
ال اي-95 باعاسىن مەملەكەت رەتتەمەيدى، سوندىقتان جانارماي قۇيۋ ستانسياسىنىڭ «پيستولەتىنەن» شىعاتىن باعا نارىقتاعى سۇرانىس پەن ۇسىنىسقا بايلانىستى وزگەرۋى مۇمكىن.
28 شىلدەدەگى جاعداي بويىنشا پاۆلودار وبلىسىنىڭ مۇناي بازالارىندا جانە جولدا اي-95ء-تىڭ 8 تاۋلىككە جەتەتىن 0،8 مىڭ تونناسى، اي-92ء-نىڭ 9 تاۋلىككە جەتەتىن 4،1 مىڭ توننا قورى بار.
«جوسپارلى-الدىن الۋ جوندەۋ جۇمىستارى اياقتالىپ، پاۆلودار ءموز ىسكە قوسىلۋىن ەسكەرە وتىرىپ، اۆتوبەنزيندەردى جەتكىزۋ كولەمى بىرتىندەپ ۇلعاياتىن بولادى»، - دەيدى ەنەرگەتيكا مينيسترلىگى.