قازاقستاندىق، الەمنىڭ 412-راكەتكاسى، 30 جاستاعى دەنيس ەۆسەيەۆ ەلوردادا پرەزيدەنت كۋبوگى ءۇشىن ءوتىپ جاتقان چەللەندجەر ءتۋرنيرىنىڭ فينالىنا جولداما الدى، دەپ حابارلايدى Almaty-akshamy.kz.
جارىستىڭ 3-راكەتكاسى بولىپ تىركەلگەن قازاقستاندىق تەننيسشى جارتىلاي فينالدا رەيتينگتە 357-ورىندا تۇرعان 22 جاستاعى تۇركيالىق يانكي ەرەلمەن شەبەرلىك بايقاستى.
ءبىرىنشى پارتيادا دەنيس 3:1 ەسەبىمەن العا كەتكەنىمەن، تۇركيالىق سپورتشى تارازى باسىن تەڭەستىردى. دەگەنمەن ەسەپ 4:4 بولعان مەزەتتە ەۆسەيەۆ تاعى ءبىر برەيك جاساپ، سەتتى اياقتادى – 6:4.
ەكىنشى سەت بارىسىندا قازاقستاندىق سپورتشى ەكى رەت برەيك جاساپ، ەسەپتى 5:2-گە جەتكىزدى. ءبىراق ماچقا دوپ بەرگەندە، نۇكتە قويا المادى. تەك ەكىنشى مۇمكىندىگىن پايدالانا الدى – 6:4.
ساعات جارىمنان استام ۋاقىتقا سوزىلعان باسەكەدە ەۆسەيەۆ 4 ەيس جاساپ، 10 برەيك-پوينتتىڭ تورتەۋىن قۇر جىبەرمەدى. قارسىلاسى 3 ەيس، 2 برەيكپەن (5 برەيك-پوينت) كوزگە ءتۇستى.
وسىلايشا، قازاقستاندىق سپورتشى پرەزيدەنت كۋبوگى ءۇشىن دودادا ەكىنشى رەت فينالعا جولداما الدى.
دەنيس ەۆسەيەۆ باس جۇلدە ءۇشىن رەيتينگتە 550-ساتىداعى وزبەكستاندىق حۋمايۋن سۇلتانوۆپەن تالاسادى. ول الەمنىڭ 570-راكەتكاسى، رەسەيلىك ەۆگەنيي كارلوۆسكييدى وڭاي ۇتتى – 6:3، 6:1.