گرەكيا ورمانىندا شىلدەدە تۇتانعان ءورت قورشاعان ورتاعا ۇلكەن زالال كەلتىردى.
ماماندار اۋاعا 1 جىلدا 222 مىڭ كولىك شىعاراتىن كومىرقىشقىل گازى تاراعانىن ايتىپ، دابىل قاعىپ جاتىر، دەپ حابارلايدى Almaty-akshamy.kz 24.kz-كە سىلتەمە جاساپ.
«بۇل – گرەكيادا سوڭعى 20 جىلدا تىركەلگەن ەڭ جوعارى تەرىس كورسەتكىش»، - دەيدى ەۋرووداقتىڭ اتموسفەرانى باقىلاۋ جونىندەگى «كوپەرنيك» قىزمەتى.
ورتتەن اسىرەسە رودوس ارالى مەن افينانىڭ باتىسىنداعى ايماقتار قاتتى زارداپ شەككەن. ەكولوگتار ءوڭىردىڭ بيولوگيالىق تىرشىلىگىنە دە الاڭداپ وتىر.